റിയാദ്: (KVARTHA) പരിശുദ്ധ ഉംറ കർമ്മം നിർവഹിക്കാനായി സൗദി അറേബ്യയിലെ ജിദ്ദയിലെത്തിയ രണ്ട് മലയാളികൾ ഹൃദയാഘാതത്തെ തുടർന്ന് മരണപ്പെട്ടു. മലപ്പുറം പൂക്കോട്ടൂർ സ്വദേശി കറുത്തേടത്ത് അബ്ദുഹാജിയുടെ മകൻ ഉമ്മർ എന്ന കുഞ്ഞാപ്പ (65), കൊല്ലം വടക്കേവിള സ്വദേശിനി മുംതാസ് ബീഗം കമാലുദ്ദീൻ (61) എന്നിവരാണ് ജിദ്ദയിൽ മരണമടഞ്ഞത്.

മുപ്പത് വർഷത്തോളം റിയാദിൽ പ്രവാസിയായിരുന്ന ഉമ്മർ ഒരു മാസം മുൻപാണ് ഭാര്യയോടൊപ്പം ഉംറ നിർവഹിക്കാനായി ജിദ്ദയിൽ എത്തിയത്. ഉംറ കർമ്മങ്ങൾ പൂർത്തിയാക്കിയ ശേഷം ജിദ്ദയിലുള്ള മകൾ റിഷാനയുടെയും മരുമകൻ ബാസിമിന്റെയും വീട്ടിൽ താമസിക്കുകയായിരുന്നു. പെരുന്നാൾ കഴിഞ്ഞതിന് ശേഷം നാട്ടിലേക്ക് മടങ്ങാനായിരുന്നു തീരുമാനം. 

ഹൃദയാഘാതത്തെ തുടർന്ന് ജിദ്ദ ഹസ്സൻ ഗസ്സാവി ആശുപത്രിയിൽ പ്രവേശിപ്പിച്ചെങ്കിലും അദ്ദേഹത്തിൻ്റെ ജീവൻ രക്ഷിക്കാനായില്ല. കെ.എം.സി.സി നേതാവ് മുജീബ് പൂക്കോട്ടൂരിൻ്റെ പിതൃസഹോദര പുത്രനാണ് മരിച്ച ഉമ്മർ. ഭാര്യ: ആറ്റശ്ശേരി ഷാഹിന (മൊറയൂർ). മക്കൾ: റഷീഖ് (ഹൈദരാബാദ്), റിഷാന (ജിദ്ദ), റിൻഷി (ബംഗളൂരു), റയാൻ. മരുമകൻ: പുത്തൂപ്പാടൻ ബാസിം (പുല്ലങ്കോട്).

മറ്റൊരു സംഭവത്തിൽ, ഉംറ കർമ്മങ്ങൾ പൂർത്തിയാക്കിയ ശേഷം മടങ്ങാനൊരുങ്ങവെയാണ് മുംതാസ് ബീഗം മരണമടഞ്ഞത്. നാട്ടിലേക്ക് പോകാനായി ജിദ്ദ വിമാനത്താവളത്തിൽ എത്തിയെങ്കിലും പെട്ടെന്നുണ്ടായ ശാരീരിക അസ്വസ്ഥതയെത്തുടർന്ന് അബ്ഹുർ കിങ് അബ്ദുല്ല മെഡിക്കൽ കോംപ്ലക്‌സിൽ പ്രവേശിപ്പിക്കുകയായിരുന്നു. ഇവിടെ ചികിത്സയിലിരിക്കെയാണ് മരണം സംഭവിച്ചത്.

Two Malayali pilgrims died of heart attacks in Jeddah, Saudi Arabia, where they had gone to perform Umrah. One was from Malappuram and the other from Kollam. They were 65 and 61 years old, respectively.

#Umrah #SaudiArabia #Malayali #HeartAttack #Jeddah #Death