കുവൈത്ത് എയർവേയ്‌സിന്റെ കാർഗോ സർവീസുകൾ നിർത്തിവെച്ചിട്ടില്ല; പ്രചരിക്കുന്ന റിപ്പോർട്ടുകൾ തള്ളി കുവൈത്ത് എയർവേയ്‌സ് രംഗത്ത്

കുവൈത്ത് സിറ്റി: (KVARTHA) കുവൈത്ത് എയർവേയ്‌സിൻ്റെ എയർ കാർഗോ സർവീസുകൾ നിർത്തിവെച്ചെന്ന തരത്തിൽ സമൂഹമാധ്യമങ്ങളിലുൾപ്പെടെ പ്രചരിക്കുന്ന റിപ്പോർട്ടുകൾ കമ്പനി നിഷേധിച്ചു. കാർഗോ പ്രവർത്തനങ്ങളുടെ സുരക്ഷ സംബന്ധിച്ച് ആശങ്ക ഉയർന്നുവെന്ന തരത്തിൽ പ്രചരിക്കുന്ന റിപ്പോർട്ടുകളും ശരിയല്ലെന്ന് ദേശീയ വിമാനക്കമ്പനിയായ കുവൈത്ത് എയർവേയ്‌സ് വ്യക്തമാക്കി.

പ്രവർത്തനങ്ങൾ സാധാരണ നിലയിൽ

അംഗീകൃത പ്രവർത്തന നടപടിക്രമങ്ങൾ കൃത്യമായി പാലിച്ചും ബന്ധപ്പെട്ട അധികൃതരുമായി ഏകോപിപ്പിച്ചും എയർ കാർഗോ സർവീസുകൾ സാധാരണ നിലയിൽ തുടരുകയാണെന്ന് കുവൈത്ത് എയർവേയ്‌സ് അറിയിച്ചു. എല്ലാ സുരക്ഷാ മാനദണ്ഡങ്ങളും കർശനമായി പാലിച്ചാണ് നിലവിൽ കാർഗോ പ്രവർത്തനങ്ങൾ നടത്തുന്നതെന്നും കമ്പനി തങ്ങളുടെ വിശദീകരണത്തിൽ വ്യക്തമാക്കിയിട്ടുണ്ട്.

ഔദ്യോഗിക അറിയിപ്പുകൾ പിന്തുടരണം

വസ്തുതാവിരുദ്ധമായ വാർത്തകൾ പ്രചരിക്കുന്നത് ശ്രദ്ധയിൽപ്പെട്ട സാഹചര്യത്തിൽ, തെറ്റായ പ്രചാരണങ്ങൾക്ക് പകരം ഔദ്യോഗിക അറിയിപ്പുകൾ മാത്രം പിന്തുടരണെന്ന് യാത്രക്കാരോടും പൊതുജനങ്ങളോടും അധികൃതർ അഭ്യർഥിച്ചു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം. 

Article Summary: Kuwait Airways has officially denied rumors regarding the suspension of its air cargo services, confirming that operations continue normally and strictly adhere to all safety and regulatory standards.

#Kvartha #KuwaitAirways #AirCargo #KuwaitCity #AviationNews #GulfNews #FakeNewsAlert #MalayalamNews #KuwaitNews #AmmuNews