ഖാസിം ഉടുമ്പുന്തല 

ദുബൈ: (KVARTHA) സാലിക്കിന്‍റെ (Salik) വേരിയബിള്‍ റോഡ് ടോള്‍ പ്രൈസിങ് ജനുവരി അവസാനത്തോടെ ആരംഭിക്കും. ഇത് ദുബൈയിലുടനീളമുള്ള ഗതാഗതം വർദ്ധിപ്പിക്കുന്നതിനുള്ള സുപ്രധാന ചുവടുവെപ്പാണ്. എല്ലാവര്‍ക്കും സുഗമമായ യാത്ര ഉറപ്പാക്കുന്നതിനൊപ്പം തിരക്ക് ലഘൂകരിക്കാനും പുതിയ സംവിധാനം ലക്ഷ്യമിടുന്നു.

വാരാന്ത്യങ്ങളിൽ രാവിലെ തിരക്കേറിയ സമയങ്ങളിൽ (6 മുതൽ 10 വരെ) ടോൾ നിരക്ക് ആറ് ദിർഹമായിരിക്കും. വൈകുന്നേരത്തെ തിരക്കേറിയ സമയത്തും (4 മുതൽ 8 വരെ) ഇതേ നിരക്ക് ബാധകമാണ്. എന്നാൽ, പകൽ 10 മുതൽ 4 വരെയും രാത്രി 8 മുതൽ പുലർച്ചെ 1 വരെയും തിരക്കില്ലാത്ത സമയങ്ങളിൽ ടോൾ നിരക്ക് നാല് ദിർഹമായി കുറയും. 

ഞായറാഴ്ചകളിലും പൊതു അവധി ദിവസങ്ങളിലും പ്രത്യേക പരിപാടികൾ ഉള്ള ദിവസങ്ങൾ ഒഴികെ നാല് ദിർഹമാണ് ടോൾ നിരക്ക്.

അർദ്ധരാത്രിയിലും അതിരാവിലെയുമുള്ള യാത്രക്കാർക്ക് (1 മണി മുതൽ 6 വരെ) സാലിക് ടോൾ ഗേറ്റുകളിലൂടെയുള്ള യാത്ര സൗജന്യമായിരിക്കും എന്നത് ശ്രദ്ധേയമാണ്. ഈ സമയങ്ങളിൽ ടോൾ ഈടാക്കുകയില്ല

ദുബൈയില്‍ പത്ത് സാലിക് ടോള്‍ ഗേറ്റുകളാണ് ഉള്ളത്. അല്‍ മംമ്സാര്‍ നോര്‍ത്ത് (അല്‍ ഇത്തിഹാദ് റോ‍ഡ്), അല്‍ മംമ്സാര്‍ സൗത്ത് (അല്‍ ഇത്തിഹാദ് റോഡ്), ആല്‍ മക്തൂം ബ്രിഡ്ജ് (ഉമ്മ് ഹുറൈര്‍ റോ‍ഡ്), എയര്‍പോര്‍ട്ട് ടണല്‍ (ബെയ്റൂത്ത് സ്ട്രീറ്റ്), അല്‍ ഗർഹുദ് ബ്രിഡ്ജ് ( ശെയ്ഖ് റാശിദ് റോഡ്), അല്‍ സ്വഫ നോര്‍ത്ത് (ശെയ്ഖ് സായിദ് റോഡ്), ബിസിനസ് ബേ ക്രോസിങ് (അല്‍- ഖെയ്ല്‍ റോഡ്), അല്‍ ബര്‍ശ (ശെയ്ഖ് സായിദ് റോഡ്), ജബല്‍ അലി (ശെയ്ഖ് സായിദ് റോഡ്), അല്‍ സ്വഫ നോര്‍ത്ത് (ശെയ്ഖ് സായിദ് റോഡ്) എന്നിവയാണവ.

 #SalikToll #DubaiTraffic #TollRates #DubaiNews #SalikChanges #Dubai