Arrested | കുവൈതില് വന്തോതില് മയക്കുമരുന്നും വെടിക്കോപ്പുകളുമായി 2 പേര് അറസ്റ്റില്
Sep 19, 2022, 18:33 IST
ADVERTISEMENT
കുവൈത് സിറ്റി: (www.kvartha.com) വന്തോതില് ലഹരിമരുന്നുകളും ആയുധങ്ങളുമായി രണ്ടുപേര് ജനറല് അഡ്മിനിസ്ട്രേഷന് ഓഫ് നാര്കോടിക് കന്ട്രോള് ഉദ്യോഗസ്ഥരുടെ പിടിയിലായി. ഇവരില്നിന്നും 30 ലക്ഷം കുവൈതി ദിനാര് വിപണി വില വരുന്ന വസ്തുക്കള് പിടിച്ചെടുത്തതായും രാജ്യത്തെ ഏറ്റവും വലിയ മയക്കുമരുന്ന് വേട്ടയാണിതെന്നും അധികൃതര് പറഞ്ഞു.
നാര്കോടിക് കന്ട്രോള് അഡ്മിനിസ്ട്രേഷന് വിവരം ലഭിച്ചതിനെ തുടര്ന്ന് പ്രതികളില് ഒരാളുടെ വീട്ടില് റെയ്ഡ് നടത്തുകയായിരുന്നു. ഇതിലാണ് മയക്കുമരുന്നും ആയുധങ്ങളും പിടിച്ചെടുത്തത്. ആയുധങ്ങളും പിടികൂടിയ വസ്തുക്കളില്പെടുന്നു.
ഇവരില്നിന്ന് ഒരു ടണില് കൂടുതല് ലിറിക ഗുളികകള്, 35 കിലോ രാസവസ്തു, 18 കിലോ ഷാബു, രണ്ടു കിലോ ഹാഷിഷ്, ഒരു കിലോ ലിറിക പൗഡര്, മൂന്ന് കിലോ കഞ്ചാവ്, 2000 ക്യാപ്റ്റഗന് ഗുളികകള് എന്നിവയും രണ്ട് തോക്കുകള്, നാല് പിസ്റ്റള് ഇനത്തില്പെട്ട തോക്കുകളും പിടികൂടിയവയില്പെടുന്നതായി ഉദ്യോഗസ്ഥര് അറിയിച്ചു.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
