റിയാദ്: (KVARTHA) സൗദി അറേബ്യയിൽ നടത്തിയ പുരാവസ്തു ഗവേഷണത്തിൽ 4000 വർഷം പഴക്കമുള്ള വെങ്കലയുഗത്തിലെ ഒരു പുരാതന നഗരം കണ്ടെത്തി. ഖൈബർ മരുഭൂമിയിൽ ഒളിഞ്ഞിരിക്കുന്ന ഈ നഗരം അക്കാലത്തെ മനുഷ്യരുടെ ജീവിതരീതിയും സംസ്കാരവും സംബന്ധിച്ച് പുതിയ വിവരങ്ങൾ നൽകുന്നു. ഖൈബറിലെ മരുഭൂമി പ്രദേശത്ത് കണ്ടെത്തിയ ഈ സ്ഥലത്തിന് അൽ-നത എന്നാണ് ഗവേഷകർ പേര് നൽകിയിരിക്കുന്നത്.

പുരാതന കാലത്തെ ആളുകൾ എത്രത്തോളം സംഘടിതരായിരുന്നു എന്നും അവർ നഗരങ്ങൾ നിർമിക്കുന്നതിൽ എത്രത്തോളം പ്രാവീണ്യം നേടിയിരുന്നു എന്നും ഈ കണ്ടെത്തൽ വ്യക്തമാക്കുന്നു. പ്ലോസ് വണിൽ പ്രസിദ്ധീകരിച്ച പുരാവസ്തുപഠനം അനുസരിച്ച്, ഈ പുരാതന നഗരം 500-ലധികം ആളുകളെ ഉൾക്കൊള്ളാൻ സാധ്യതയുള്ളതായിരുന്നു. 2400-2000 ബിസി കാലഘട്ടത്തിൽ നിർമിച്ച, ഒരു കോട്ടയടങ്ങുന്ന 14.5 കിലോമീറ്റർ ചുറ്റളവിലുള്ള ഒരു പട്ടണമാണ് കണ്ടെത്തിയത്. 

تعلن @RCU_SA عن التوصل إلى اكتشاف أثري في واحة #خيبر والذي يغير المفاهيم القديمة حول الحالة الرعوية في العصر البرونزي، حيث يعد هذا الاكتشاف الأول من نوعه في المنطقة من خلال قرية #النطاة التي تبرز الحياة الاجتماعية والاقتصادية خلال ذلك العصر. pic.twitter.com/P7uVI6SPnX

— الهيئة الملكية لمحافظة العلا (@RCU_SA) November 2, 2024

ഈ പട്ടണം കുറഞ്ഞത് 1500 - 1300 ബിസി വരെ നിലനിന്നിരുന്നുവെന്നാണ് അനുമാനം. ഈ നഗരം ഒരു താമസ മേഖലയായും തീരുമാനങ്ങൾ എടുക്കുന്ന ഒരു കേന്ദ്രമായും പ്രവർത്തിച്ചിരുന്നുവെന്നും നിഗമനത്തിൽ എത്തിയിട്ടുണ്ട്. ഇവിടെ നിന്ന് ഒരു ശ്മശാനം കൂടി കണ്ടെത്തിയിട്ടുണ്ട്. ഫ്രഞ്ച് പുരാവസ്തു ഗവേഷകനായ ഗില്ലൂം ചാർലൂക്സിൻ്റെ നേതൃത്വത്തിലുള്ള സംഘമാണ് ഈ അത്ഭുതകരമായ കണ്ടെത്തൽ നടത്തിയത്.

ഈ പട്ടണം ഒരു മരുപ്പച്ചയുടെ മധ്യത്തിലായിരുന്നു, ചുറ്റും ഉയർന്ന മതിലുകൾ കൊണ്ട് സംരക്ഷിച്ചിരുന്നു. ഈ മതിലുകൾ ഈ പ്രദേശത്ത് വലിയൊരു സംഘടിത സമൂഹം താമസിച്ചിരുന്നു എന്നതിന് തെളിവാണ്. അൽ-നതാഹ് നഗരത്തിന്റെ അവശേഷിപ്പുകൾ വഴി ആ കാലത്തെ സാമൂഹിക, വാസ്തുവിദ്യാപരമായ ജീവിതരീതികളെക്കുറിച്ച് കൂടുതൽ അറിയാൻ കഴിയും.

The discovery at #AlNatah provides evidence of a clear division within the fortifications and cities, designating areas for residential and funerary purposes, dating back approximately 2400–2000 BCE to 1500–1300 BCE, with a population of 500 people occupying an area of 2.6… pic.twitter.com/eTCnasf61b

— الهيئة الملكية لمحافظة العلا (@RCU_SA) November 2, 2024

പുരാതന കാലത്ത്, വടക്കുപടിഞ്ഞാറൻ അറേബ്യയിൽ ഇടയ നാടോടി ഗോത്രങ്ങളാണ് ആധിപത്യം സ്ഥാപിച്ചിരുന്നത്. ഈ ഗോത്രങ്ങൾ ദൂരദേശങ്ങളിലേക്കുള്ള വ്യാപാരം നടത്തിയിരുന്നു. അവർ താമസിച്ചിരുന്നത് മരുഭൂമിയിലെ ചെറിയ കോട്ടകളും മതിലുകളുമുള്ള പട്ടണങ്ങളെ കേന്ദ്രീകരിച്ചായിരുന്നു. ഈ പട്ടണങ്ങൾ പരസ്പരം ബന്ധിപ്പിച്ചുകൊണ്ട് ഒരു വലിയ ശൃംഖല തന്നെ അവർ സൃഷ്ടിച്ചിരുന്നു. ഇത് സൂചിപ്പിക്കുന്നത് അവർ വളരെ സംഘടിതമായ ഒരു സമൂഹമായിരുന്നു എന്നാണ്. 

ഈ നഗരം ഉപേക്ഷിക്കപ്പെട്ടത് എന്തുകൊണ്ടെന്ന ചോദ്യത്തിന് പൂർണമായ ഉത്തരം കണ്ടെത്താൻ ഇതുവരെ ഗവേഷകർക്ക് സാധിച്ചിട്ടില്ല. അവസാന ഘട്ടത്തെക്കുറിച്ച് നമുക്ക് വളരെ കുറച്ച് സൂചനകളേ ഉള്ളൂ എന്ന് പ്രശസ്ത പുരാവസ്തു ഗവേഷകൻ ഷാർലൂക്സ് പറയുന്നു. അതേസമയം, ഈ പട്ടണം നിലനിന്നിരുന്ന കാലഘട്ടത്തിൽ മെസൊപ്പൊട്ടേമിയ, ഈജിപ്ത്, കിഴക്കൻ മെഡിറ്ററേനിയൻ എന്നിവിടങ്ങളിലെ നഗരങ്ങൾ വളരെ വികസിച്ചിരുന്നു. എന്നാൽ അൽ-നതാഹ് പോലുള്ള മറ്റ് പല നഗരങ്ങളും അത്ര വേഗത്തിൽ വളർന്നില്ല. ഈ വ്യത്യാസത്തിന് കാരണം എന്തായിരിക്കാം എന്ന ചോദ്യം പുരാവസ്തു ഗവേഷകർക്ക് മുന്നിൽ ഒരു വലിയ സംശയമാണ്.

#SaudiArabia #archaeology #ancientcity #discovery #history #MiddleEast