Accidental Death | സഊദിയില്‍ വാഹനാപകടത്തില്‍ ഉംറ തീര്‍ഥാടകരായ പിതാവും 4 മക്കളും മരിച്ചു; മാതാവിന് പരുക്ക്
Aug 23, 2023, 18:02 IST
റിയാദ്: (www.kvartha.com) സഊദിയില്‍ വാഹനാപകടത്തില്‍ ഉംറ തീര്‍ഥാടകരായ ഒരു കുടുംബത്തിലെ അഞ്ചുപേര്‍ക്ക് ദാരുണാന്ത്യം. ഒരാള്‍ക്ക് പരുക്കേറ്റു. യു എ ഇയില്‍ നിന്നെത്തിയ ജോര്‍ദാന്‍ കുടുംബത്തിലെ അഞ്ച് പേരാണ് മരിച്ചത്. മക്ക- റിയാദ് റോഡില്‍ തിങ്കളാഴ്ചയാണ് അപകടമുണ്ടായത്.
പിതാവും മാതാവും നാല് മക്കളുമാണ് വാഹനത്തിലുണ്ടായിരുന്നത്. പിതാവ് മാലിക് അക്‌റം, മക്കളായ അക്‌റം, മായ, ദനാ, ദീമ എന്നിവരാണ് മരിച്ചത്. മാതാവ് വലിയ പരുക്കുകളില്ലാതെ രക്ഷപ്പെട്ടു. ഉംറ നിര്‍വഹിച്ച ശേഷം കുടുംബം യു എ ഇയിലേക്ക് മടങ്ങുമ്പോഴാണ് ഇവര്‍ സഞ്ചരിച്ച കാര്‍ അപകടത്തില്‍പെട്ടത്.
മരിച്ചവരെ ഹുഫുഫ് മേഖല കിങ് ഫഹദ് ആശുപത്രി മോര്‍ചറിയിലേക്ക് മാറ്റി. മൃതദേഹങ്ങള്‍ കൈമാറുന്നതിന് നടപടികള്‍ പൂര്‍ത്തിയാക്കാന്‍ സഊദിയിലെ ജോര്‍ദാന്‍ എംബസി രംഗത്തുണ്ട്.
Keywords: News, Gulf, Gulf-News, Accident-News, UAE, Umrah, Died, Saudi Crash, Accidental Death, 5 UAE residents returning from Umrah die in Saudi crash.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
