Controversy | 'സൗദി സൂപ്പര് കപ്പ് തോല്വിക്ക് പിന്നാലെ മൈതാനത്ത് വച്ച് അശ്ലീല ആംഗ്യം'; പോര്ച്ചുഗീസ് സൂപ്പര് താരം ക്രിസ്റ്റ്യാനോ റൊണാള്ഡോ വിവാദത്തില്
റൊണാള്ഡോ അല് നസ്റില് എത്തിയ ശേഷം സൗദി അറേബ്യയിലെ ഒരു ടൂര്ണമെന്റിലും കിരീടം നേടാന് കഴിഞ്ഞിട്ടില്ല.
നാലാം ഗോള് വഴങ്ങിയതോടെയാണ് റൊണാള്ഡോയ്ക്ക് നിയന്ത്രണം നഷ്ടപ്പെട്ടത്.
സഹതാരങ്ങളോട് ഉറങ്ങുകയാണോ എന്നൊക്കെ ചോദിക്കുന്നുണ്ടായിരുന്നു
റിയാദ്: (KVARTHA) സൗദി സൂപ്പര് കപ്പില് അല് നസ്റിന്റെ തോല്വിക്ക് പിന്നാലെ, മൈതാനത്ത് വച്ച് അശ്ലീല ആംഗ്യം കാണിച്ചെന്ന സംഭവത്തില് പോര്ച്ചുഗീസ് സൂപ്പര് താരം ക്രിസ്റ്റ്യാനോ റൊണാള്ഡോ വിവാദത്തില്. ഫൈനലില് അല് ഹിലാലിനോട് 4-1ന് തോറ്റതില് പ്രകോപിതനായ റൊണാള്ഡോ, മൈതാനത്ത് അശ്ലീല ചേഷ്ടകള് കാഴ്ചവച്ചതാണ് വിവാദമായത്.
ശനിയാഴ്ച നടന്ന ഫൈനലില് അല് നസ്ര് തുടര്ച്ചയായ രണ്ടാം തവണയാണ് അല് ഹിലാലിനോട് പരാജയപ്പെട്ടത്. റൊണാള്ഡോ അല് നസ്റില് എത്തിയ ശേഷം സൗദി അറേബ്യയിലെ ഒരു ടൂര്ണമെന്റിലും അവര്ക്ക് കിരീടം നേടാന് കഴിഞ്ഞിട്ടില്ല.
നാലാം ഗോള് വഴങ്ങിയതോടെയാണ് റൊണാള്ഡോയ്ക്ക് നിയന്ത്രണം നഷ്ടപ്പെട്ടത്. തന്റെ സഹതാരങ്ങളോട് ഉറങ്ങുകയാണോ എന്ന് ചോദിക്കുന്ന തരത്തിലുള്ള അപമാനകരമായ ആംഗ്യങ്ങള് കാഴ്ചവച്ചു. ഈ ദൃശ്യങ്ങള് സമൂഹ മാധ്യമങ്ങളില് വൈറലായി.
മത്സരത്തിന്റെ ആദ്യ പകുതിയില് റൊണാള്ഡോയുടെ ഗോളില് അല് നസ്ര് മുന്നിലെത്തിയിരുന്നുവെങ്കിലും രണ്ടാം പകുതിയില് 17 മിനിറ്റിനുള്ളില് അല് ഹിലാല് നാല് ഗോളുകള് നേടി മത്സരം തീര്ത്തു. സെര്ഗെജ് (55ാം മിനിറ്റ്), മിട്രോവിച് (63,69), മാല്കോം (72) എന്നിവരാണ് അല് ഹിലാലിന്റെ ഗോളുകള് നേടിയത്.
റൊണാള്ഡോയുടെ ഈ പ്രവര്ത്തനം വലിയ വിമര്ശനങ്ങള്ക്ക് ഇടയാക്കിയിട്ടുണ്ട്. ഒരു ലോകപ്രശസ്ത താരത്തില് നിന്ന് ഇത്തരമൊരു പ്രവര്ത്തനം അപ്രതീക്ഷിതമാണെന്നാണ് ആരാധകര് പ്രതികരിക്കുന്നത്. ഫുട്ബോള് ലോകത്തെ നെഞ്ചു പൊള്ളിക്കുന്ന ഈ സംഭവത്തില് റൊണാള്ഡോയ്ക്കെതിരെ കര്ശന നടപടി സ്വീകരിക്കണമെന്ന ആവശ്യം ശക്തമായി ഉയര്ന്നിരിക്കുകയാണ്.
#CristianoRonaldo #football #controversy #SaudiArabia #AlNassr #AlHilal
