മലപ്പുറം: (KVARTHA) വീട്ടിൽ നടന്ന പ്രസവത്തിനിടെ യുവതി മരിച്ച സംഭവത്തിൽ യുവതിയുടെ കുടുംബം രംഗത്ത്. പെരുമ്പാവൂർ സ്വദേശിനിയായ അസ്മ ആണ് മരിച്ചത്. മലപ്പുറം ചട്ടിപ്പറമ്പിൽ വാടകയ്ക്ക് താമസിച്ചിരുന്ന അസ്മയ്ക്ക് പ്രസവവേദന തുടങ്ങിയപ്പോൾ ഭർത്താവ് സിറാജുദ്ദീൻ ആശുപത്രിയിൽ കൊണ്ടുപോകാതെ വീട്ടിൽ തന്നെ പ്രസവം നടത്താൻ ശ്രമിച്ചതാണ് മരണത്തിന് കാരണമെന്ന് കുടുംബം ആരോപിക്കുന്നു.

അസ്മയുടെ മരണം സംഭവിച്ചതിന് ശേഷം ഭർത്താവ് സിറാജുദ്ദീൻ മൃതദേഹം പെരുമ്പാവൂരിലേക്ക് കൊണ്ടുപോയെന്നും, വിവരമറിഞ്ഞെത്തിയ പൊലീസ് ഇടപെട്ട് മൃതദേഹം പെരുമ്പാവൂർ താലൂക്ക് ആശുപത്രിയിലേക്ക് മാറ്റിയെന്നും അസ്മയുടെ കുടുംബം നൽകിയ പരാതിയിൽ പറയുന്നു.

അസ്മയ്ക്ക് കടുത്ത പ്രസവവേദന ഉണ്ടായിട്ടും സിറാജുദ്ദീൻ മനഃപൂർവം ആശുപത്രിയിൽ കൊണ്ടുപോകാതിരുന്നതാണെന്നും, ഇത് അസ്മയുടെ മരണത്തിന് കാരണമായെന്നും കുടുംബം ആരോപിച്ചു. 

സംഭവത്തിൽ വിശദമായ അന്വേഷണം ആവശ്യപ്പെട്ട് അസ്മയുടെ വീട്ടുകാർ പോലീസിൽ പരാതി നൽകിയിട്ടുണ്ട്. സിറാജുദ്ദീൻ ആലപ്പുഴ സ്വദേശിയാണെന്നും, ഇത് അസ്മയുടെ അഞ്ചാമത്തെ പ്രസവമാണെന്നും പരാതിയിൽ സൂചിപ്പിച്ചിട്ടുണ്ട്. 
പൊലീസ് ഈ വിഷയത്തിൽ അന്വേഷണം ആരംഭിച്ചിട്ടുണ്ട്.

The family of Asma, a woman from Perumbavoor who died during a home delivery in Malappuram, has alleged that her husband, Sirajuddeen, did not take her to the hospital despite labor pains, leading to her death. They have filed a complaint with the police, stating that Sirajuddeen attempted home delivery. Police have begun an investigation into the incident.

#Malappuram #HomeDeliveryDeath #FamilyAllegation #Negligence #KeralaNews #Maternity