പാലക്കാട്: (KVARTHA) ഓഹരി വിപണിയിൽ ഉയർന്ന ലാഭം വാഗ്ദാനം ചെയ്ത് ലക്ഷങ്ങൾ തട്ടിയെടുത്ത കേസിൽ യുവതി അറസ്റ്റിലായി. കോതമംഗലം സ്വദേശിനി അനുപമ (36) ആണ് വടക്കഞ്ചേരി പോലീസിന്റെ പിടിയിലായത്.  ഓഹരിയിൽ നിക്ഷേപം നടത്തിയാൽ വലിയ ലാഭം നേടാമെന്ന് വിശ്വസിപ്പിച്ച് 4,95,000 രൂപ തട്ടിയെടുത്തെന്നാണ് കേസ്.

വടക്കഞ്ചേരി കാരയങ്കാട് സ്വദേശിയായ മുഹമ്മദ് സഫ്വാൻ നൽകിയ പരാതിയിലാണ് പോലീസ് അന്വേഷണം ആരംഭിച്ചത്. മുഹമ്മദും കുടുംബാംഗങ്ങളും സുഹൃത്തുക്കളും അടങ്ങിയ ഒരു വാട്സാപ്പ് ഗ്രൂപ്പിൽ അംഗമായിരുന്നു അറസ്റ്റിലായ അനുപമ. ഈ ഗ്രൂപ്പിലൂടെയാണ് അനുപമ മുഹമ്മദിനെ പരിചയപ്പെടുന്നത്. തുടർന്ന് ഓഹരി വിപണിയിൽ പണം നിക്ഷേപിച്ചാൽ ഉയർന്ന ലാഭം കിട്ടുമെന്നും, മുതൽ തുക സുരക്ഷിതമായിരിക്കുമെന്നും വിശ്വസിപ്പിച്ച്  മുഹമ്മദിൽ നിന്നും പല തവണയായി പണം കൈക്കലാക്കുകയായിരുന്നു. 2024 സെപ്റ്റംബർ മുതൽ ഡിസംബർ മാസം വരെയാണ് തട്ടിപ്പ് നടന്നത്.

വടക്കഞ്ചേരി പോലീസ് ഇൻസ്‌പെക്ടർ കെ.പി. ബെന്നിയുടെ നേതൃത്വത്തിലുള്ള പോലീസ് സംഘമാണ് കേസ് അന്വേഷിച്ചത്. എസ്.ഐമാരായ സി.ബി. മധു, വി. കൃഷ്ണപ്രസാദ് എന്നിവരും അന്വേഷണ സംഘത്തിൽ ഉണ്ടായിരുന്നു.  പോലീസ് നടത്തിയ അന്വേഷണത്തിൽ, അനുപമക്കെതിരെ മറ്റു ജില്ലകളിലും സമാനമായ തട്ടിപ്പ് പരാതികൾ നിലവിലുണ്ടെന്ന് കണ്ടെത്തിയിട്ടുണ്ട്.

അറസ്റ്റ് രേഖപ്പെടുത്തിയ ശേഷം അനുപമയെ ആലത്തൂർ കോടതിയിൽ ഹാജരാക്കി. കോടതി ഇവരെ റിമാൻഡ് ചെയ്തു. കേസിൽ കൂടുതൽ അന്വേഷണം നടക്കുകയാണെന്ന് പോലീസ് അറിയിച്ചു.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക.

A woman was arrested in Palakkad for defrauding lakhs of rupees by promising high profits in the stock market. Anupama, 36, from Kothamangalam, was arrested by Vadakkencherry police for defrauding 4,95,000 rupees.

#StockFraud #Arrest #Palakkad #FraudCase #OnlineScam #KeralaPolice