വിവാഹിതയായ യുവതിയുടെ സ്വകാര്യ ദൃശ്യങ്ങൾ പകർത്തി ഭീഷണിപ്പെടുത്തി പണം തട്ടിയ കേസിൽ രണ്ടുപേർ അറസ്റ്റിൽ
 

കണ്ണൂർ: (KVARTHA) വിവാഹിതയായ യുവതിയുടെ സ്വകാര്യ ദൃശ്യങ്ങൾ രഹസ്യമായി ചിത്രീകരിച്ച് ഭീഷണിപ്പെടുത്തി പണം തട്ടിയ മൂന്നംഗ സംഘത്തിലെ രണ്ടുപേർ അറസ്റ്റിൽ. ഷമൽ (21), ലത്തീഫ് (48) എന്നിവരെയാണ് കുടിയാൻമല പോലീസ് അറസ്റ്റ് ചെയ്തത്. കേസിലെ ഒന്നാം പ്രതിയും ഷമലിന്റെ സഹോദരനുമായ ശ്യാം മറ്റൊരു മർദ്ദനക്കേസിൽ കണ്ണൂർ സബ് ജയിലിൽ റിമാൻഡിലാണ്.

കഴിഞ്ഞ ഫെബ്രുവരിയിലായിരുന്നു സംഭവം. യുവതിയുടെ സുഹൃത്തായ ആലക്കോട് സ്വദേശി ഇടയ്ക്കിടെ യുവതിയുടെ വീട്ടിലെത്താറുണ്ടായിരുന്നു. ഇതു മനസ്സിലാക്കിയ ശ്യാമും ഷമലും ഒളിച്ചിരുന്ന് കഴിഞ്ഞ ഫെബ്രുവരിയിൽ കിടപ്പറ ദൃശ്യങ്ങൾ പകർത്തി. ഈ വീഡിയോ കാണിച്ച് ഭീഷണിപ്പെടുത്തി യുവതിയിൽനിന്ന് പണം വാങ്ങി. 

വീണ്ടും ഭീഷണിപ്പെടുത്തി പണം ആവശ്യപ്പെട്ടതോടെ, യുവതി ഭയന്നു. കൂടാതെ, വീഡിയോ സുഹൃത്തായ ലത്തീഫിനും നൽകി. ലത്തീഫ് ഈ ദൃശ്യം യുവതിയെ കാണിച്ച് തനിക്ക് വഴങ്ങണമെന്നും പണം നൽകണമെന്നും ആവശ്യപ്പെട്ടു. തുടർന്നാണ് യുവതി കുടിയാൻമല പോലീസിൽ പരാതി നൽകിയത്.

ഈ വാർത്തയെക്കുറിച്ച് നിങ്ങൾക്ക് എന്താണ് പറയാനുള്ളത്? നിങ്ങളുടെ അഭിപ്രായങ്ങൾ പങ്കുവെക്കൂ.

Article Summary: Two people arrested for blackmailing woman with private videos.

#KeralaCrime #Kannur #Blackmail #KeralaPolice #Kudiyanmala #CyberCrime