നിതിൻ രാജിൻ്റെ മരണം: ഒന്നാം പ്രതിയുടെ മുൻകൂർ ജാമ്യ ഹരജിയിൽ സർക്കാരിൻ്റെ നിലപാട് തേടി ഹൈകോടതി

കണ്ണൂർ: (KVARTHA) അഞ്ചരക്കണ്ടി ദന്തൽ കോളേജ് വിദ്യാർഥി നിതിൻ രാജിൻ്റെ മരണവുമായി ബന്ധപ്പെട്ട കേസിൽ അധ്യാപകനും ഒന്നാം പ്രതിയുമായ ഡോ. എം കെ റാം നൽകിയ മുൻകൂർ ജാമ്യ ഹർജിയിൽ വിശദീകരണം നൽകാൻ ഹൈകോടതി സർക്കാരിന് കൂടുതൽ സമയം അനുവദിച്ചു. 

ഹർജി വീണ്ടും ഈ മാസം 21-ന് പരിഗണിക്കാനായി ജസ്റ്റിസ് എം ബി സ്നേഹലത മാറ്റി. സംസ്ഥാന സർക്കാരും പോലീസുമടക്കം എതിർകക്ഷികളോട് നേരത്തെ കോടതി വിശദീകരണം തേടിയിരുന്നു. 

പ്രതിയുടെ വാദങ്ങൾ

ആന്ധ്രയിൽ ജനിച്ച് കർണാടകയിൽ വളർന്ന തന്നെ മറ്റാരുടെയോ പ്രേരണയിൽ മനപ്പൂർവ്വം കേസിൽപ്പെടുത്തിയതാണെന്നടക്കം ചൂണ്ടിക്കാട്ടിയാണ് ഡോ. എം കെ റാം ഹൈകോടതിയിൽ മുൻകൂർ ജാമ്യ ഹർജി നൽകിയത്. 

എന്നാൽ ആത്മഹത്യാ പ്രേരണാ കേസിൽ ഒന്നാം പ്രതിയായ ഇയാളെ ഇതുവരെ അറസ്റ്റ് ചെയ്യാൻ പ്രത്യേക അന്വേഷണ സംഘത്തിന് കഴിഞ്ഞിട്ടില്ല. പ്രതി നിലവിൽ ആന്ധ്രയിൽ ഒളിവിലാണെന്നാണ് പോലീസും ക്രൈംബ്രാഞ്ചും പറയുന്നത്.

അന്വേഷണം നിശ്ചലമെന്ന് ആക്ഷേപം

കഴിഞ്ഞ മാസം ഏപ്രിൽ 10-നാണ് അഞ്ചരക്കണ്ടി ദന്തൽ കോളേജ് കെട്ടിടത്തിൽ നിന്നും ചാടി വിദ്യാർഥിയായ നിതിൻ രാജ് മരിച്ചത്. നിതിൻ രാജിനെയും മറ്റൊരു അധ്യാപികയെയും ഭീഷണിപ്പെടുത്തിയ മൂന്ന് ലോൺ ആപ്പ് നടത്തിപ്പുകാരെ അറസ്റ്റ് ചെയ്തതിനു ശേഷം കണ്ണൂർ ക്രൈംബ്രാഞ്ച് അന്വേഷണം പൂർണ്ണമായും നിശ്ചലമാണെന്ന ആരോപണം ശക്തമാണ്. ഒന്നാം പ്രതിയെ ഉടൻ പിടികൂടി നിയമത്തിന് മുൻപിൽ കൊണ്ടുവരണമെന്നാണ് കുടുംബത്തിൻ്റെയും സുഹൃത്തുക്കളുടെയും ആവശ്യം.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: The Kerala High Court sought the government's stance on the anticipatory bail plea of Dr. MK Ram, the first accused in the suicide case of Kannur dental college student Nithin Raj. The investigation has reportedly stalled after initial arrests.

#NithinRajCase #KannurNews #KeralaHighCourt #CrimeBranch #JusticeForNithin #DentalCollege #BreakingNews #KeralaNews #2026