കാസര്‍കോട്ട് ആളുമാറി യുവാവിനെ വെട്ടിക്കൊല്ലാന്‍ ശ്രമം

പിന്നീട് യുവാവിനെ വീട്ടില്‍ കൊണ്ടുവിട്ട ശേഷം രാജേഷ് തനിച്ച് മടങ്ങുന്നതിനിടെയായിരുന്നു ആക്രമം. രാജേഷും യുവാവും സ്‌കൂട്ടറില്‍ വരുന്ന വിവരം ലഭിച്ച സംഘം ചൗക്കിയില്‍ കാത്തുനില്‍ക്കുകയും സ്‌കൂട്ടറില്‍ വരികയായിരുന്ന രാജേഷിനെ റഫീഖ് വധക്കേസിലെ പ്രതിയായ യുവാവാണെന്ന് തെറ്റിദ്ധരിച്ച് മാരകായുധങ്ങളുമായി വെട്ടുകയായിരുന്നുവെന്നും പോലീസ് സംശയിക്കുന്നു. അതേസമയം രാജേഷ് 2008 ല്‍ നടന്ന ഒരു അടിപിടിക്കേസിലെ പ്രതിയാണെന്നും പോലീസ് കൂട്ടിച്ചേര്‍ത്തു.

ഗുരുതരാവസ്ഥയില്‍ മംഗളൂരുവിലെ ആശുപത്രിയില്‍ കഴിയുന്ന രാജേഷിനെ അടിയന്തിര ശസ്ത്രക്രിയയ്ക്ക് വിധേയനാക്കി . അക്രമം നടത്തിയവരെ പോലീസ് തിരിച്ചറിഞ്ഞതായാണ് സൂചന. രാജേഷിന്റെ മൊഴി രേഖപ്പെടുത്തിയ സാഹചര്യത്തില്‍ കാസര്‍കോട് എ എസ് ഐ മോഹനന്റെ പരാതിയിലാണ് പോലീസ് സ്വമേധയാ കേസെടുത്തിരിക്കുന്നത്.

പ്രതികള്‍ എത്രയും പെട്ടെന്ന് തന്നെ വലയിലാകുമെന്ന് പോലീസ് സൂചിപ്പിച്ചു. കാസര്‍കോട് സി ഐ അബ്ദുര്‍ റഹീമിനാണ് അന്വേഷണ ചുമതല. കാസര്‍കോട് ഡി വൈ എസ് പി എം വി സുകുമാരന്‍ അവധിയായതിനാല്‍ അന്വേഷണത്തിനായി സ്‌പെഷ്യല്‍ മൊബൈല്‍ സ്‌ക്വാഡ് ഡി വൈ എസ് പി ഹരിശ്ചന്ദ്ര നായക്കാണ് മേല്‍നോട്ടം വഹിക്കുന്നത്. സംഭവത്തില്‍ മണല്‍ മാഫിയക്ക് ബന്ധമുണ്ടോ എന്നും പോലീസ് അന്വേഷിക്കുന്നുണ്ട്.

Also Read: