Killed | 'ഇരുണ്ട നിറത്തെക്കുറിച്ച് നിരന്തരം പരിഹാസം; ഭര്ത്താവിനെ വെട്ടിക്കൊന്ന് ജനനേന്ദ്രിയം അറുത്തുമാറ്റി യുവതി', അറസ്റ്റ്
Sep 28, 2022, 11:08 IST
ADVERTISEMENT
ദുര്ഗ്: (www.kvartha.com) ഇരുണ്ട നിറത്തെക്കുറിച്ച് അധിക്ഷേപിച്ച് നിരന്തരം പരിഹസിച്ചിരുന്ന ഭര്ത്താവിനെ യുവതി കോടാലി കൊണ്ട് വെട്ടിക്കൊന്ന് ജനനേന്ദ്രിയം വെട്ടിമാറ്റിയതായി പൊലീസ്. അനന്ത് സൊന്വാനിയെ (40) എന്നയാളാണ് കൊല്ലപ്പെട്ടത്. സംഭവത്തില് ഇയാളുടെ 30 കാരിയായ ഭാര്യ സംഗീത സൊന്വാനിയെ പൊലീസ് അറസ്റ്റ് ചെയ്തു.
സംഭവത്തെ കുറിച്ച് പൊലീസ് പറയുന്നത് ഇങ്ങനെ: അമലേശ്വര് ഗ്രാമത്തില് ഞായറാഴ്ച രാത്രിയാണ് സംഭവം. കറുത്ത നിറമായതിനാല് സൊന്വാനിയെ ഭര്ത്താവ് അനന്ത് സൊന്വാനി വിരൂപയെന്ന് നിരന്തരം വിളിച്ചിരുന്നു. നിറവുമായി ബന്ധപ്പെട്ട് ഇരുവരും തമ്മില് നിരന്തരം വഴക്കിടാറുണ്ടായിരുന്നു. ഞായറാഴ്ച രാത്രിയും വഴക്കുണ്ടായി. തുടര്ന്ന് സംഗീത വീട്ടിലുണ്ടായിരുന്ന കോടാലി എടുത്ത് അനന്തിനെ വെട്ടുകയുമായിരുന്നു. അനന്ത് തല്ക്ഷണം മരിച്ചു. തുടര്ന്ന് ഭര്ത്താവിന്റെ ജനനേന്ദ്രിയം സംഗീത അറുത്തുമാറ്റി.
പിന്നീട് തന്റെ ഭര്ത്താവിനെ ആരോ കൊന്നുവെന്ന് പിറ്റേന്ന് രാവിലെ യുവതി നാട്ടുകാരോട് പറഞ്ഞു. എന്നാല് അന്വേഷണത്തിനൊടുവില് താന് തന്നെയാണ് പ്രതികാരം തീര്ക്കാന് കൊലപ്പെടുത്തിയതെന്ന് അവര് കുറ്റം സമ്മതിക്കുകയായിരുന്നു. അനന്തിന്റെ ആദ്യഭാര്യ മരിച്ചതിന് ശേഷമാണ് സംഗീതയെ വിവാഹം കഴിച്ചതെന്ന് പൊലീസ് കൂട്ടിച്ചേര്ത്തു.
Keywords: News,National,India,Crime,Local-News,Killed,Police,Accused,Arrested, Man Called Woman Ugly; She Killed Him With Axe
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
