കണ്ണൂർ: (KVARTHA) തിരുവോണ നാളിൽ പയ്യാമ്പലം സാവോയ് ബിയർ പാർലറിന് സമീപം നടന്ന അക്രമക്കേസിൽ പ്രതി അറസ്റ്റിലായി. നിഥീഷ് എന്ന ആളെയാണ് ടൗൺ പോലീസ് അറസ്റ്റ് ചെയ്തത്.

പരാതിക്കാരൻ അനുഗ്രഹം ഹൗസിൽ അജയ് ഉമേഷ് കുമാർ പോലീസിൽ നൽകിയ പരാതിയുടെ  അടിസ്ഥാനത്തിലാണ് അന്വേഷണം നടത്തി പ്രതിയെ അറസ്റ്റ് ചെയ്തത്.

പരാതി പ്രകാരം, കഴിഞ്ഞ തിരുവോണ ദിനം രാത്രി ഒൻപതു മണിയോടെ, പയ്യാമ്പലം സാവോയ് ബിയർ പാർലറിന് സമീപം കാർപാർക്കിങ് സ്ഥലത്തിന് സമീപം നിൽക്കുമ്പോൾ നിഥീഷ് അദ്ദേഹത്തെ കത്തികൊണ്ട് കുത്തി പരുക്കേൽപ്പിച്ചു. കൂടെയുണ്ടായിരുന്ന സുഹൃത്തുക്കളായ സെയ്ൻ (20) ജിതിൻ (20) എന്നിവർ അക്രമത്തെ തടയാൻ ശ്രമിച്ചപ്പോൾ അവർക്കും പരിക്കേറ്റു. ഗുരുതരമായി പരുക്കേറ്റ ഉമേഷ് കുമാർ കണ്ണൂർ ശ്രീചന്ദ് ആശുപത്രിയിൽ ചികിത്സയിലാണ്.

പരാതിക്കാരൻ്റെ അഭിപ്രായത്തിൽ, മൊബൈൽ ഫോണിൽ ഫോട്ടോ എടുക്കുന്നതിനിടെ ഉണ്ടായ തർക്കമാണ് അക്രമത്തിലേക്ക് നയിച്ചത്.