Arrest | തലശേരിയില്‍ നിന്നും ഒന്നരക്കോടിയുടെ കുഴല്‍പ്പണവുമായി മഹാരാഷ്ട്ര സ്വദേശി പിടിയില്‍

കണ്ണൂര്‍: (KVARTHA) തലശേരി നഗരഹൃദയത്തിലെ ഹോളോവെ റോഡില്‍ നടത്തിയ വാഹന പരിശോധനയ്ക്കിടെ കുഴല്‍പ്പണവുമായി മഹാരാഷ്ട്ര സ്വദേശിയെ പൊലിസ് അറസ്റ്റു ചെയ്തു.
        
കണക്കില്‍പ്പെടാത്ത പണവുമായി പിടിയിലായ
മഹാരാഷ്ട്ര സ്വദേശിയായ ഇയാളെ തലശേരി ടൗണ്‍ പൊലിസ് മജിസ്ട്രേറ്റ് കോടതിയില്‍ ഹാജരാക്കി. വ്യാഴാഴ്ച രാത്രിയോടെയാണ് എസ്.ഐ വിവി ദീപ്തിയുടെ നേതൃത്വത്തില്‍ വാഹന പരിശോധന നടത്തിയത്. ഈ സമയം കടന്നു പോവുകയായിരുന്ന മാഹാരാഷ്ട്ര സ്വദേശി സ്വപ്നില്‍ ലക്ഷ്മണന്‍ വിവരങ്ങള്‍ ചോദിച്ചപ്പോള്‍ അസ്വാഭാവിമായ മറുപടി ലഭിച്ചു. ഇതോടെ പോലീസ് ഇയാളെ കസ്റ്റഡിയിലെടുക്കുകയായിരുന്നു. തുടര്‍ന്ന് വെള്ളിയാഴ്ച രാവിലെ കാര്‍ വര്‍ക് ഷോപ്പില്‍ എത്തിച്ച പരിശോധന നടത്തിയപ്പോഴാണ് ഒന്നേ മുക്കല്‍ കോടി രൂപ കണ്ടെത്തിയത് . പണത്തിന്റെ സ്രോതസ് വ്യക്തമാക്കാന്‍ കഴിയാത്തതിനെ തുടര്‍ന്ന് ഇയാളുടെ അറസ്റ്റ് രേഖപ്പെടുത്തി കോടതിയില്‍ ഹാജരാക്കുകയായിരുന്നു.
കഴിഞ്ഞ ഒരാഴ്ചയായി തലശ്ശേരിയില്‍ ഉണ്ടെന്നും ബന്ധുവിനെ കാണാന്‍ എത്തിയതാണെന്നും പോലീസിന് മൊഴി നല്‍കിയിട്ടുണ്ട്. ബന്ധുവിന്റെ രജിസ്ട്രേഷനുള്ള കാറാണിത്. < !- START disable copy paste -->