Trial Started | ചക്കരക്കല്‍ യുവാവിനെ തലയ്ക്കടിച്ചു കൊന്ന് ചാക്കില്‍ കെട്ടി കനാലില്‍ തളളിയെന്ന കേസിന്റെ വിചാരണ തുടങ്ങി
May 19, 2023, 07:40 IST
ADVERTISEMENT
തലശ്ശേരി: (www.kvartha.com) ചക്കരക്കല്‍ മിവാടവിലോട് യുവാവിനെ ഇരുമ്പ് വടികൊണ്ടു തലയ്ക്കടിച്ചു കൊന്ന് ചാക്കില്‍ കെട്ടി കനാലില്‍ തളളിയെന്ന കേസിന്റെ വിചാരണ തലശ്ശേരി മൂന്നാം അഡീഷനല്‍ ജില്ലാ സെഷന്‍സ് ജഡ്ജ് റൂബി കെ ജോസ് മുന്‍പാകെ തുടങ്ങി. ഇരിവേരി മിടാവിലോട് ഇ പ്രജീഷ് (35) ആണ് കൊല്ലപ്പെട്ടത്.
ചെമ്പിലോട് ഗ്രാമ പഞ്ചായത് പരിധിയിലെ കെ അബ്ദുല്‍ ശുക്കൂര്‍ (44), അഞ്ചരക്കണ്ടി ഗ്രാമ പഞ്ചായത് പരിധിയിലെ സി ടി പ്രശാന്തന്‍(46) എന്നിവരാണ് കേസിലെ പ്രതികള്‍. 2021-ഓഗസ്റ്റ് 19ന് രാവിലെയാണ് കേസിനാസ്പദമായ സംഭവം നടന്നത്.
ഒന്നാം പ്രതി ഉള്‍പെട്ട മൗവ്വഞ്ചേരിലെ നിര്‍മാണം നടന്നുകൊണ്ടിരിക്കുന്ന തേക്ക് മര ഉരുപ്പിടികള്‍ മോഷണം നടത്തിയ കേസില്‍ അബ്ദുല്‍ ശുക്കൂറിനെതിരെ പൊലീസില്‍ വിവരം നല്‍കിയതിന്റെ വൈരാഗ്യമാണ് കൊലപാതകത്തിന് കാരണമായതെന്ന് ഉദ്യോഗസ്ഥര്‍ പറഞ്ഞു.
Keywords: News, Kerala, Kerala-News, News-Malayalam, Crime-News, Crime, Kannur, Accused, Thalassery, High Court, Murder Case, Youth, Case, Trial, Accused, Police, Kannur: Youth murder case trial Began.
ചെമ്പിലോട് ഗ്രാമ പഞ്ചായത് പരിധിയിലെ കെ അബ്ദുല്‍ ശുക്കൂര്‍ (44), അഞ്ചരക്കണ്ടി ഗ്രാമ പഞ്ചായത് പരിധിയിലെ സി ടി പ്രശാന്തന്‍(46) എന്നിവരാണ് കേസിലെ പ്രതികള്‍. 2021-ഓഗസ്റ്റ് 19ന് രാവിലെയാണ് കേസിനാസ്പദമായ സംഭവം നടന്നത്.
ഒന്നാം പ്രതി ഉള്‍പെട്ട മൗവ്വഞ്ചേരിലെ നിര്‍മാണം നടന്നുകൊണ്ടിരിക്കുന്ന തേക്ക് മര ഉരുപ്പിടികള്‍ മോഷണം നടത്തിയ കേസില്‍ അബ്ദുല്‍ ശുക്കൂറിനെതിരെ പൊലീസില്‍ വിവരം നല്‍കിയതിന്റെ വൈരാഗ്യമാണ് കൊലപാതകത്തിന് കാരണമായതെന്ന് ഉദ്യോഗസ്ഥര്‍ പറഞ്ഞു.
ഒന്നാം പ്രതി ഇപ്പോഴും ജാമ്യം ലഭിക്കാതെ കണ്ണൂര്‍ സെന്‍ട്രല്‍ ജയിലില്‍ ജുഡീഷ്യല്‍ കസ്റ്റഡിയിലാണുളളത്. ജുഡീഷ്യല്‍ കസ്റ്റഡിയിലിരിക്കെ തന്നെ വിചാരണ നടത്തി കേസില്‍ വിധിപറയാനാണ് ഹൈകോടതി നിര്‍ദേശം. പ്രൊസിക്യൂഷനുവേണ്ടി അഡീഷനല്‍ ജില്ലാ ഗവ. പ്ളീഡര്‍ അഡ്വ. രൂപേഷ് ഹാജരായി.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
