കണ്ണുവെട്ടിച്ച് മദ്യം മോഷ്ടിച്ചു; രണ്ടുപേരെ പോലീസ് പൊക്കി

കണ്ണൂർ: (KVARTHA) നഗരത്തിലെ പാറക്കണ്ടിയിലുള്ള ബിവറേജസ് ഔട്ട്ലെറ്റിൽ നിന്ന് വിലകൂടിയ മദ്യം കവർന്ന സംഭവത്തിൽ രണ്ട് അതിഥി തൊഴിലാളികൾ പോലീസ് പിടിയിലായി. ഒഡീഷ സ്വദേശികളായ വിശ്വജിത്ത് സമൽ (31), രവി നാരായണൻ (27) എന്നിവരെയാണ് കണ്ണൂർ ടൗൺ ഇൻസ്പെക്ടർ ശ്രീജിത് കൊടേരിയുടെ നേതൃത്വത്തിലുള്ള സംഘം മുനിസിപ്പൽ ബസ് സ്റ്റാൻഡിൽ നിന്ന് അറസ്റ്റ് ചെയ്തത്.

കഴിഞ്ഞ ദിവസവും ജൂൺ മാസം എട്ടാം തീയതിയുമാണ് പാറക്കണ്ടി ബിവറേജസ് കോർപ്പറേഷനിൽ നിന്ന് ഇവർ മദ്യക്കുപ്പികൾ മോഷ്ടിച്ചത്. സ്ഥാപനത്തിലെ പ്രീമിയം കൗണ്ടറിൽ നിന്ന് രണ്ട് കുപ്പി വിലയേറിയ വിസ്കിയും ഒരു കുപ്പി വൈറ്റ് റമ്മുമാണ് ജീവനക്കാരുടെ കണ്ണുവെട്ടിച്ച് ഇവർ കടത്തിയത്. 

പാറക്കണ്ടി ബിവറേജസ് മാനേജരുടെ പരാതിയെ തുടർന്ന് സി.സി.ടി.വി. ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് പ്രതികൾ വലയിലായത്. അറസ്റ്റിലായവരെ കണ്ണൂർ കോടതിയിൽ ഹാജരാക്കി റിമാൻഡ് ചെയ്തു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക 

Article Summary (English): Two migrant workers from Odisha were arrested in Kannur for stealing expensive liquor from a Bevco outlet, caught on CCTV.

 #Kannur #LiquorTheft #MigrantWorkers #KeralaPolice #CrimeNews #CCTVCatch