സെൻട്രൽ ജയിലിൽനിന്ന് സ്മാർട്ട് ഫോൺ പിടിച്ച സംഭവം; പോലീസ് അന്വേഷണം തുടങ്ങി

കണ്ണൂർ: (KVARTHA) പള്ളിക്കുന്നിലുള്ള സെൻട്രൽ ജയിലിൽനിന്ന് സ്മാർട്ട് ഫോണും ചാർജറും പിടികൂടി. അഞ്ചാം ബ്ലോക്കിന്റെ പിറകുവശത്ത്   ശനിയാഴ്ച നടത്തിയ റെയ്ഡിലാണ് ഇവ കണ്ടെത്തിയത്. ജയിൽ സൂപ്രണ്ടിന്റെ പരാതിയിൽ കണ്ണൂർ ടൗൺ പോലീസ് കേസെടുത്ത് അന്വേഷണം ആരംഭിച്ചു.

കഴിഞ്ഞ ഏതാനും ദിവസങ്ങളായി ജയിലിനകത്ത് പരിശോധന ശക്തമാക്കിയിരുന്നു. ഇതിന്റെ ഭാഗമായാണ് ഫോൺ കണ്ടെത്തിയത്. നേരത്തേയും കണ്ണൂർ സെൻട്രൽ ജയിലിൽനിന്ന് മൊബൈൽ ഫോണുകൾ പിടിച്ചെടുത്തിട്ടുണ്ട്. 

ഇതുവരെയായി അതീവ സുരക്ഷയുള്ള പത്താം ബ്ലോക്കിൽനിന്നുൾപ്പെടെ പത്തിലേറെ മൊബൈൽ ഫോണുകളും അനുബന്ധ ഉപകരണങ്ങളുമാണ് പിടിച്ചെടുത്തത്.

രണ്ട് മാസം മുൻപ് കണ്ണൂർ സെൻട്രൽ ജയിലിൽ സർക്കാർ നിയോഗിച്ച ജയിൽ സുരക്ഷാ സമിതി സുരക്ഷാ വീഴ്ച അന്വേഷിക്കുന്നതിനായി എത്തിയിരുന്നു. അന്ന് സമിതി ഗുരുതരമായ വീഴ്ചകളാണ് കണ്ടെത്തിയത്. ഇതിനുശേഷം ജയിലിൽ തുടർച്ചയായി റെയ്ഡ് നടന്നുവരികയാണ്.

സെൻട്രൽ ജയിലിലെ ഈ സുരക്ഷാ വീഴ്ചയെക്കുറിച്ച് നിങ്ങളുടെ അഭിപ്രായം എന്താണ്? വാർത്ത സുഹൃത്തുക്കളുമായി പങ്കുവെക്കുക. കമൻ്റ് ചെയ്ത് നിങ്ങളുടെ പ്രതികരണം രേഖപ്പെടുത്തുക.

Article Summary: Smartphone and charger seized again from Kannur Central Jail, following intense raids due to previous security lapses.

#KannurJail #MobileSeized #JailRaid #SecurityLapse #KeralaPolice #CentralJail