കണ്ണപുരം കീഴറയിലെ ബോംബ് സ്ഫോടനക്കേസ്: മുഖ്യപ്രതി അനൂപ് മരക്കാറിനെ ചോദ്യം ചെയ്യലിനും തെളിവെടുപ്പിനുമായി കസ്റ്റഡിയിൽ വാങ്ങാൻ ക്രൈംബ്രാഞ്ച് നീക്കം

കണ്ണൂർ: (KVARTHA) കണ്ണപുരം കീഴറയിലെ വാടക വീട്ടിൽ നടന്ന ബോംബ് സ്ഫോടനത്തിൽ ഒരാൾ മരിക്കാനിടയായ സംഭവത്തിലെ പ്രതിയായ അനൂപ് മരക്കാറിൻ്റെ സംസ്ഥാനത്തിന് പുറത്തുള്ള ബന്ധങ്ങളെക്കുറിച്ച് ക്രൈംബ്രാഞ്ച് പ്രത്യേക അന്വേഷണ സംഘം വിശദമായി അന്വേഷണം നടത്തും.

പ്രതിയുടെ മൊബൈൽ ഫോൺ പോലീസ് കസ്റ്റഡിയിലെടുത്തിട്ടുണ്ട്. ഇത് സൈബർ പോലീസ് പരിശോധിച്ചുവരികയാണ്. ഇതിൽനിന്നുള്ള വിവരങ്ങൾ ശേഖരിച്ചാണ് കൂടുതൽ അന്വേഷണം നടത്തുക.

ഇതിനിടെ, പ്രതിയെ ഞായറാഴ്ച കണ്ണൂർ കോടതി മജിസ്ട്രേറ്റിന് മുന്നിൽ ഹാജരാക്കും. കണ്ണൂർ സിറ്റി പോലീസ് കമ്മീഷണറുടെ നേതൃത്വത്തിൽ പ്രതിയെ പ്രാഥമികമായി ചോദ്യം ചെയ്തിരുന്നു. 

എഫ്.ഐ.ആർ രജിസ്റ്റർ ചെയ്ത് കോടതിയിൽ ഹാജരാക്കിയശേഷം ചോദ്യം ചെയ്യലിനും തെളിവെടുപ്പിനുമായി പ്രതിയെ ജുഡീഷ്യൽ കസ്റ്റഡിയിൽനിന്ന് വാങ്ങാൻ പോലീസ് തീരുമാനിച്ചിട്ടുണ്ട്.

കേസിലെ മുഖ്യപ്രതിയായ അനൂപ് മരക്കാറിൻ്റെ സഹായിയാണ് കൊല്ലപ്പെട്ട മുഹമ്മദ് അഷാം. കണ്ണൂർ ചാലാട് സ്വദേശിയായ മുഹമ്മദ് അഷാം അനൂപ് മരക്കാറിൻ്റെ അടുത്ത ബന്ധു കൂടിയാണ്.

കണ്ണപുരം ബോംബ് സ്ഫോടനത്തെക്കുറിച്ചുള്ള പുതിയ വിവരങ്ങൾ അറിയാൻ ഈ വാർത്ത പങ്കുവയ്ക്കുക.

Article Summary: Crime Branch to take main accused in Kizhara blast case into custody.

#Kannur #BombBlast #CrimeNews #KeralaPolice #KizharaBlast #AnoopMarakkar