Shot Dead | 'ദേശീയപാതയില്‍ മോഷണശ്രമം ചെറുക്കുന്നതിനിടെ നടി റിയ കുമാരി മകളുടെ മുന്നില്‍ വെടിയേറ്റ് മരിച്ചു'
Dec 28, 2022, 19:08 IST
ADVERTISEMENT
ഹൗറ: (www.kvartha.com) ജാര്‍ഖണ്ഡ് നടി റിയ കുമാരി മകളുടെ മുന്നില്‍ വെടിയേറ്റ് മരിച്ചു. കൊല്‍കത്തയിലേക്ക് കുടുംബ സമേതം കാറില്‍ സഞ്ചരിക്കുമ്പോഴാണ് സംഭവം. ബംഗാളിലെ ഹൗറയിലെ ദേശീയപാതയില്‍ മോഷണശ്രമം ചെറുക്കുന്നതിനിടെയാണ് നടിക്ക് വെടിയേറ്റതെന്ന് പൊലീസ് വ്യക്തമാക്കി.
പൊലീസ് പറയുന്നത്: ആക്രമണ സമയത്ത് റിയ കുമാരി, ഭര്‍ത്താവും നിര്‍മാതാവുമായ പ്രകാശ് കുമാര്‍, രണ്ട് വയസുകാരിയായ മകള്‍ എന്നിവരാണ് കാറിലുണ്ടായിരുന്നത്. വിശ്രമിക്കാനായി മാഹിശ്രേഖ എന്ന പ്രദേശത്ത് കാര്‍ നിര്‍ത്തി ഇവര്‍ പുറത്തിറങ്ങിയ സമയത്താണ് മൂന്നംഗ അക്രമി സംഘം കവര്‍ചക്ക് ശ്രമിച്ചതെന്ന് ഭര്‍ത്താവ് പറഞ്ഞു.
പ്രകാശ് കുമാറിനെ ആക്രമിക്കുന്നത് കണ്ട റിയ തടയാന്‍ ശ്രമിക്കുന്നതിനിടെയാണ് ഇവര്‍ക്ക് വെടിയേറ്റത്. റിയയ്ക്ക് വെടിയേറ്റതോടെ സംഘം മുങ്ങി. പരുക്കേറ്റിട്ടും സഹായം തേടി പ്രകാശ് മൂന്ന് കിലോമീറ്റര്‍ വാഹനമോടിച്ചു. ഒടുവില്‍ പ്രദേശവാസികള്‍ എത്തി എസ്സിസി മെഡികല്‍ കോളജ് ആശുപത്രിയില്‍ റിയയെ എത്തിക്കാന്‍ സഹായിച്ചു. എന്നാല്‍ ആശുപത്രിയിലെത്തിയപ്പോള്‍ തന്നെ റിയ മരിച്ചതായി ഡോക്ടര്‍മാര്‍ അറിയിച്ചു.
സംഭവത്തെപ്പറ്റി വിശദമായി അന്വേഷിക്കുകയാണെന്നും റിയയുടെ ഭര്‍ത്താവിനെ ചോദ്യം ചെയ്‌തെന്നും പൊലീസ് വ്യക്തമാക്കി. കാര്‍ ഫൊറന്‍സിക് പരിശോധനയ്ക്ക് അയച്ചെന്നും പൊലീസ് കൂട്ടിച്ചേര്‍ത്തു.
Keywords: News,National,India,West Bengal,theft,Killed,Crime,Police,Shot,Actress, Jharkhand Actress Shot Dead While Trying To Thwart Highway Robbery Bid In Bengal: Police
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
