ഫെയ്‌സ്ബുക്ക് ലൈക്ക്: യുവതിയെയും കുടുംബത്തെയും വീടുകയറി മർദ്ദിച്ചു; യുവാവിനെതിരെ കേസ്

പയ്യന്നൂർ: (KVARTHA) കളമശ്ശേരിയിലെ സിനിമാ മേക്കപ്പ് ആർട്ടിസ്റ്റിനെ പീഡിപ്പിച്ച കേസിലെ പ്രതിയെക്കുറിച്ചുള്ള വാർത്തകൾക്ക് ഫെയ്‌സ്ബുക്കിൽ 'ലൈക്ക്' അടിച്ചതിനെത്തുടർന്ന് യുവതിയെയും ഭർത്താവിനെയും അമ്മയെയും വീട്ടിൽ കയറി മർദ്ദിച്ചതായി പരാതി. മാട്ടൂൽ നോർത്ത് കക്കാടംചാലിലെ പാറക്കടവത്ത് വീട്ടിൽ നമിത (24), ഭർത്താവ് എൻ.വി. ഷിബിൻ, നമിതയുടെ അമ്മ മിനി എന്നിവർക്കാണ് ആക്രമണത്തിൽ പരിക്കേറ്റത്.

രുജിത്ത് എന്നയാൾക്കെതിരെ പയ്യന്നൂർ പോലീസ് കേസെടുത്തു. കോറോം കൊക്കോട്ടെ വീട്ടിൽ ജൂലൈ 17-ന് രാത്രി 8:45-ഓടെയാണ് സംഭവം. രുജിത്തിന്റെ പേരിൽ കളമശ്ശേരിയിൽ നിലവിൽ പീഡനക്കേസ് നിലവിലുണ്ട്. ഈ കേസിൽ പോലീസ് അറസ്റ്റ് ചെയ്ത ഇയാൾ റിമാൻഡിലായിരുന്നു.

ഇതുസംബന്ധിച്ച് സമൂഹമാധ്യമങ്ങളിൽ വന്ന വാർത്തകൾക്ക് നമിത ലൈക്ക് ചെയ്തിരുന്നുവത്രേ. ഇതിനെ ചോദ്യം ചെയ്താണ് വീട്ടിൽ അതിക്രമിച്ചുകയറി മർദ്ദിച്ചതെന്നാണ് പരാതി. 

വീട്ടിൽ അതിക്രമിച്ചുകയറിയ പ്രതി നമിതയുടെ മുഖത്തടിക്കുകയും ഭർത്താവിനെയും അമ്മയെയും ചവിട്ടി വീഴ്ത്തുകയും ചെയ്തതായി പരാതിയിൽ പറയുന്നു. പയ്യന്നൂർ പോലീസ് കേസെടുത്തതിനെത്തുടർന്ന് ഇയാൾ ഒളിവിൽ പോയി.

ഈ വാർത്ത നിങ്ങളുടെ സുഹൃത്തുക്കളുമായി പങ്കുവെച്ച് അഭിപ്രായങ്ങൾ രേഖപ്പെടുത്തുക.

Article Summary: Woman and family attacked for Facebook 'like' on news about an accused person.

#KeralaNews #AttackNews #FacebookLike #CrimeNews #Payyanur #SocialMediaImpact