Found Dead | ഹരിയാനയില്‍ 2 കുട്ടികളടക്കം ഒരു കുടുംബത്തിലെ 6 പേര്‍ മരിച്ച നിലയില്‍; സാമ്പത്തിക പ്രശ്‌നത്തെ തുടര്‍ന്നുള്ള ആത്മഹത്യയാണെന്ന് പ്രാഥമിക നിഗമനം
Aug 26, 2022, 13:48 IST
ADVERTISEMENT
അംബാല: (www.kvartha.com) ഹരിയാനയിലെ അംബാലയിലെ ബലാന ഗ്രാമത്തില്‍ പുലര്‍ചെ ഒരു കുടുംബത്തിലെ ആറ് പേരെ മരിച്ച നിലയില്‍ കണ്ടെത്തി. സംഗത് റാം (65), ഭാര്യ മഹീന്ദ്ര കൗര്‍(62), ഇവരുടെ മകന്‍ സുഖ് വീന്ദര്‍ സിംഗ് (34), ഭാര്യ റീന(28), സുഖ് വീന്ദര്‍ സിങ്ങിന്റെ രണ്ട് പെണ്‍മക്കളായ അഷു (5), ജസ്സി (7) എന്നിവരാണ് മരിച്ചത്.
സംഭവ സ്ഥലത്ത് നിന്ന് ആത്മഹത്യാ കുറിപ്പ് ഉദ്യോഗസ്ഥര്‍ കണ്ടെടുത്തു. സാമ്പത്തിക പ്രശ്‌നമാണ് ആത്മഹത്യയ്ക്ക് പിന്നിലെന്ന് കുറിപ്പില്‍ പറയുന്നതായി അധികൃതര്‍ അറിയിച്ചു. രണ്ട് കുട്ടികളടക്കം കുടുംബത്തിലെ അഞ്ച് പേര്‍ക്ക് വിഷം നല്‍കിയ ശേഷം ഗൃഹനാഥന്‍ തൂങ്ങി മരിക്കുകയായിരുന്നുവെന്നാണ് പൊലീസിന്റെ പ്രാഥമിക നിഗമനം. ഫോറന്‍സിക് വിദഗ്ധരും സ്ഥലത്തെത്തി പരിശാധന നടത്തി.
വീട്ടുകാര്‍ വീടിന് പുറത്തിറങ്ങാതായതോടെ അയല്‍വാസികള്‍ നടത്തിയ പരിശോധനയിലാണ് സംഭവം അറിയുന്നത്. പരിഭ്രാന്തരായ നാട്ടുകാര്‍ പൊലീസിനെ അറിയിക്കുകയായിരുന്നു. മൃതദേഹങ്ങള്‍ അംബാല നഗരത്തിലെ ട്രോമ സെന്ററിലെ മോര്‍ചറിയില്‍ സൂക്ഷിച്ചിരിക്കുകയാണ്. യമുനാനഗറിലെ ഇരുചക്രവാഹന കംപനിയിലാണ് സുഖ് വീന്ദര്‍ ജോലി ചെയ്തിരുന്നത്.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
