Cricket | ഏകദിന ക്രിക്കറ്റിൽ റൺ വേട്ടയിൽ രാഹുൽ ദ്രാവിഡിനെ പിന്തള്ളി രോഹിത് ശർമ
ADVERTISEMENT
കൊളംബോ: (KVARTHA) ഇന്ത്യൻ ക്രിക്കറ്റ് ടീമിന്റെ നായകൻ രോഹിത് ശർമ ഏകദിന ക്രിക്കറ്റിൽ മറ്റൊരു നാഴികക്കല്ല് പിന്നിട്ടിരിക്കുന്നു. ശ്രീലങ്കക്കെതിരായ രണ്ടാം ഏകദിന മത്സരത്തിൽ രോഹിത്, ഇന്ത്യയുടെ എക്കാലത്തെയും മികച്ച റൺ വേട്ടക്കാരിൽ ഒരാളായ രാഹുൽ ദ്രാവിഡിനെ പിന്തള്ളി നാലാം സ്ഥാനത്തെത്തി.
340 ഏകദിന മത്സരങ്ങളിൽ 10,768 റൺസ് നേടിയിരുന്ന രാഹുൽ ദ്രാവിഡിനെ 264 മത്സരങ്ങൾ കൊണ്ട് രോഹിത് മറികടന്നു. പട്ടികയിൽ 18,426 റൺസുമായി സച്ചിൻ തെണ്ടുൽക്കറാണ് ഒന്നാം സ്ഥാനത്ത്. രണ്ടാം സ്ഥാനത്ത് വിരാട് കോഹ്ലിയും മൂന്നാം സ്ഥാനത്ത് സൗരവ് ഗാംഗുലിയുമാണുള്ളത്.
ഇതിനു മുൻപ്, അന്താരാഷ്ട്ര ക്രിക്കറ്റിൽ ഏറ്റവും വേഗത്തിൽ 15,000 റൺസ് തികയ്ക്കുന്ന രണ്ടാമത്തെ ഓപ്പണർ എന്ന നേട്ടവും രോഹിത് സ്വന്തമാക്കിയിരുന്നു.
ശ്രീലങ്കക്കെതിരായ രണ്ടാം ഏകദിന മത്സരത്തിൽ ഇന്ത്യക്ക് നല്ല തുടക്കം ലഭിച്ചു. ലങ്ക ഉയർത്തിയ ലക്ഷ്യം പിന്തുടർന്നിറങ്ങിയ ഇന്ത്യ വിജയത്തിന് അടുത്തെത്തിയിരിക്കുകയാണ്. അവസാനം വിവരം ലഭിക്കുമ്പോൾ 116 റൺസിന് മൂന്ന് എന്ന നിലയിലാണ് ഇന്ത്യ.
