ദുബൈ: (KVARTHA) ബംഗ്ലാദേശിനെതിരായ ടെസ്റ്റ് പരമ്പരയ്ക്ക് മുമ്പ് ഇന്ത്യൻ നായകൻ രോഹിത് ശർമ്മ ടെസ്റ്റ് ബാറ്റിംഗ് റാങ്കിങ്ങിൽ മുന്നേറി. 

രോഹിത് 2021ന് ശേഷം ആദ്യമായാണ് റാങ്കിങ്ങിൽ ആദ്യ അഞ്ചിൽ വരുന്നത്. ഇതോടൊപ്പം വിരാട് കോഹ്ലിയും യശസ്വി ജയ്സ്വാളും റാങ്കിങ്ങിൽ സ്ഥാനം മെച്ചപ്പെടുത്തിയിട്ടുണ്ട്.

ഇംഗ്ലണ്ടിനെ ടെസ്റ്റ് പരമ്പരയിലെ അവസാന മത്സരത്തിൽ തോൽപിച്ച ശ്രീലങ്കൻ താരങ്ങളും റാങ്കിങ്ങിൽ മുന്നേറ്റം നടത്തിയിട്ടുണ്ട്. ധനഞ്ജയ ഡി സിൽവ, കാമിന്ദു മെൻഡിസ്, പാതും നിസങ്ക എന്നിവരാണ് ശ്രദ്ധേയരായ മുന്നേറ്റക്കാർ.

ശ്രീലങ്കക്കെതിരായ അവസാന ടെസ്റ്റിലെ മോശം പ്രകടനം മൂലം ജോ റൂട്ടിന്റെ റേറ്റിംഗ് പോയിന്റുകൾ കുറഞ്ഞു. എന്നിരുന്നാലും, അദ്ദേഹം ഒന്നാം സ്ഥാനം നിലനിർത്തിയിരിക്കുന്നു.

ജോ റൂട്ട് (899), കെയ്ൻ വില്യംസൺ (859), ഡാരിൽ മിച്ചൽ (768), സ്റ്റീവൻ സ്മിത്ത് (757), രോഹിത് ശർമ്മ (751), യശസ്വി ജയ്സ്വാൾ (740), വിരാട് കോലി (737), ഉസ്മാൻ ഖവാജ (728), മുഹമ്മദ് റിസ്‌വാൻ (720), മാർനസ് ലബുഷെയ്ൻ (720) എന്നിവരാണ് ആദ്യ 10ൽ ഉള്ളവർ.