ചെന്നൈ: (KVARTHA) ഇന്ത്യൻ വനിതാ ക്രിക്കറ്റ് താരം ജെമിമ റോഡ്രിഗസ് കന്നി ഏകദിന സെഞ്ചുറി നേടി ചരിത്രം കുറിച്ചു. രാജ്കോട്ടിലെ നിരഞ്ജൻ ഷാ സ്റ്റേഡിയത്തിൽ അയർലൻഡിനെതിരെ നടന്ന രണ്ടാം ഏകദിന മത്സരത്തിലായിരുന്നു ജെമീമയുടെ തകർപ്പൻ പ്രകടനം. ഈ നേട്ടത്തോടൊപ്പം, ഇന്ത്യൻ വനിതാ ടീം ഏകദിന ക്രിക്കറ്റിലെ ഏറ്റവും ഉയർന്ന സ്കോർ എന്ന റെക്കോർഡും സ്വന്തമാക്കി.

90 പന്തുകളിൽ നിന്നാണ് ജെമീമ സെഞ്ചുറി പൂർത്തിയാക്കിയത്. 12 തവണ പന്ത് ബൗണ്ടറിയിലെത്തിച്ചു. ഹര്‍ലീന്‍ ഡിയോളിനൊപ്പം 183 റൺസിൻ്റെ കൂട്ടുകെട്ടും ജെമീമ പടുത്തുയർത്തി. ഡിയോൾ 84 പന്തിൽ 89 റൺസ് നേടി മികച്ച പിന്തുണ നൽകി. സെഞ്ചുറി നേടിയതിന് തൊട്ടടുത്ത പന്തിൽ തന്നെ ജെമീമ പുറത്തായി. ഇതിനുമുമ്പ് ജെമീമ ആറ് അർദ്ധ സെഞ്ചുറികൾ നേടിയിട്ടുണ്ട്.

ജെമീമയുടെ സെഞ്ചുറി ഇന്ത്യൻ വനിതകളുടെ ഏകദിന ക്രിക്കറ്റിലെ ഏറ്റവും വേഗമേറിയ രണ്ടാമത്തെ സെഞ്ചുറിയാണ്. ഹർമൻപ്രീത് കൗറാണ് ഏറ്റവും വേഗമേറിയ സെഞ്ചുറിയുടെ റെക്കോർഡ് സ്വന്തമാക്കിയിട്ടുള്ളത്. ജെമീമയുടെ ഇന്നിംഗ്സിൻ്റെ ബലത്തിൽ ഇന്ത്യൻ വനിതാ ടീം ഏകദിന ക്രിക്കറ്റിലെ ഏറ്റവും ഉയർന്ന സ്കോറായ 370 റൺസ് നേടി. ഇത് വനിതാ ഏകദിന ക്രിക്കറ്റിലെ ഒരു പുതിയ റെക്കോർഡ് കൂടിയാണ്.

#JemimahRodrigues #WomensCricket #INDvIRE #ODICricket #CricketRecords #IndianCricket