Injury | അഫ്ഗാൻ താരം ഇബ്രാഹിം സദ്രാന് പരിക്ക്; ദക്ഷിണാഫ്രിക്കയ്ക്കെതിരെയുള്ള പരമ്പര നഷ്ടമായേക്കും
ഇബ്രാഹിം സാദ്രാൻ അഫ്ഗാനിസ്ഥാന് വേണ്ടി ഏഴ് ടെസ്റ്റ് മത്സരങ്ങൾ കളിച്ചിട്ടുണ്ട്. ഒരു സെഞ്ചുറിയും നാല് അർദ്ധ സെഞ്ചുറിയും താരത്തിന്റെ പേരിലുണ്ട്.
നോയിഡ: (KVARTHA) അഫ്ഗാനിസ്ഥാൻ ക്രിക്കറ്റ് ടീമിലെ പ്രധാന താരമായ ഇബ്രാഹിം സാദ്രാൻ ന്യൂസിലാൻഡിനെതിരായ ടെസ്റ്റ് മത്സരത്തിൽ നിന്നും ദക്ഷിണാഫ്രിക്കയ്ക്കെതിരായ ഏകദിന പരമ്പരയിൽ നിന്നും പുറത്ത്. ഇടത് കാൽമുട്ടിൽ പരിക്കേറ്റതിനെ തുടർന്നാണ് അദ്ദേഹത്തെ ടീമിൽ നിന്ന് മാറ്റിയത്.
അഫ്ഗാനിസ്ഥാൻ ക്രിക്കറ്റ് ബോർഡ് (ACB) ഞായറാഴ്ചയാണ് ഇക്കാര്യം അറിയിച്ചത്. എന്നാൽ താരത്തിന്റെ പരിക്കിനെ കുറിച്ചുള്ള വിശദമായ വിവരം പുറത്ത് വന്നിട്ടില്ല.
അഫ്ഗാനിസ്ഥാൻ ക്രിക്കറ്റ് ടീം ഇപ്പോൾ ന്യൂസിലാൻഡിനെതിരായ ടെസ്റ്റ് മത്സരത്തിന് തയ്യാറെടുക്കുകയാണ്. അതിന് ശേഷം സെപ്റ്റംബർ 18 മുതൽ ദക്ഷിണാഫ്രിക്കയ്ക്കെതിരെയുള്ള ഏകദിന പരമ്പര കളിക്കും.
ഇബ്രാഹിം സാദ്രാൻ അഫ്ഗാനിസ്ഥാന് വേണ്ടി ഏഴ് ടെസ്റ്റ് മത്സരങ്ങൾ കളിച്ചിട്ടുണ്ട്. ഒരു സെഞ്ചുറിയും നാല് അർദ്ധ സെഞ്ചുറിയും താരത്തിന്റെ പേരിലുണ്ട്.
