ന്യൂഡൽഹി: (KVARTHA) വിരാട് കോഹ്‌ലിയുടെ രഞ്ജി ട്രോഫി ക്രിക്കറ്റിലേക്കുള്ള തിരിച്ചുവരവ് ഡൽഹിയിലെ അരുൺ ജെയ്റ്റ്‌ലി സ്റ്റേഡിയത്തിൽ ആവേശത്തിരയിളക്കി. 12 വർഷത്തിനു ശേഷം കോഹ്‌ലി ആദ്യമായി ഫസ്റ്റ്-ക്ലാസ് ടൂർണമെന്റിൽ ഡൽഹിക്കായി റെയിൽവേസിനെതിരെ കളിക്കാൻ ഇറങ്ങിയപ്പോൾ അനവധി ആരാധകരാണ് സ്റ്റേഡിയത്തിലേക്ക് ഒഴുകിയെത്തിയത്.

രാവിലെ തന്നെ സ്റ്റേഡിയത്തിൽ ആരാധകർ തടിച്ചുകൂടാൻ തുടങ്ങി. കോഹ്‌ലിയെ ഒരു നോക്ക് കാണാനും അദ്ദേഹത്തിന്റെ കളി ആസ്വദിക്കാനുമായിരുന്നു എല്ലാവരുടെയും വരവ്. എന്നാൽ, കാണികളുടെ എണ്ണം കൂടിയതോടെ കാര്യങ്ങൾ കൈവിട്ടുപോയി. തിക്കും തിരക്കും കാരണം പല ആരാധകർക്കും പരിക്കേറ്റു.

Aura ♾️! 👑🙇🏼‍♂️

Huge crowd outside the Arun Jaitley Stadium for the Delhi Railways Ranji Clash! 😱#PlayBold #ನಮ್ಮRCB #ViratKohli
pic.twitter.com/gd99OLpzN9

— Royal Challengers Bengaluru (@RCBTweets) January 30, 2025

സ്‌പോർട്‌സ്‌റ്റാക്കിന്റെ റിപ്പോർട്ട് പ്രകാരം, തിക്കിലും തിരക്കിലും പൊലീസിന്റെ ഒരു ബൈക്ക് തകർന്നു. കുറഞ്ഞത് മൂന്ന് പേർക്കെങ്കിലും പരിക്കേറ്റു. പരിക്കേറ്റവർക്ക് ഡിഡിസിഎ സുരക്ഷാ ഉദ്യോഗസ്ഥരും പൊലീസും ചേർന്ന് സ്റ്റേഡിയത്തിന്റെ പ്രവേശന കവാടത്തിന് സമീപം പ്രാഥമിക ശുശ്രൂഷ നൽകി. ഒരാളുടെ കാലിൽ ബാൻഡേജ് ഇടേണ്ടിവന്നു. സുരക്ഷാ ജീവനക്കാരനും ഈ തിക്കിൽ പരിക്കേറ്റു.

ആവേശം മൂത്ത ചില ആരാധകർ 'ആർസിബി ആർസിബി' എന്ന് വിളിച്ചു. 2008-ൽ ഐപിഎല്ലിൽ റോയൽ ചലഞ്ചേഴ്‌സ് ബാംഗ്ലൂരിൽ ചേർന്നതുമുതൽ കോഹ്‌ലി ടീമിനോടുള്ള കൂറ് തെളിയിച്ചിട്ടുണ്ട്.  അണ്ടർ 19 ലോകകപ്പ് വിജയത്തിന് ശേഷമാണ് കോഹ്‌ലി ആർസിബിയിൽ എത്തുന്നത്.

2012-ൽ ഗാസിയാബാദിൽ ഉത്തർപ്രദേശിനെതിരെയായിരുന്നു കോഹ്‌ലിയുടെ അവസാന രഞ്ജി ട്രോഫി മത്സരം. ഡൽഹി ആറ് വിക്കറ്റിന് തോറ്റെങ്കിലും കോഹ്‌ലി രണ്ട് ഇന്നിംഗ്‌സുകളിലുമായി 14, 43 റൺസ് നേടിയിരുന്നു. റെയിൽവേസിനെതിരായ മത്സരം ഇംഗ്ലണ്ടിനെതിരായ ഏകദിന പരമ്പരയ്ക്ക് മുന്നോടിയായി കോഹ്‌ലിക്ക്  തയ്യാറെടുക്കാനുള്ള ഒരവസരമാണ്. ചാമ്പ്യൻസ് ട്രോഫി 2025-ന് മുന്നോടിയും ഈ മത്സരം കോഹ്‌ലിക്ക്  പ്രധാനമാണ്.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ എന്താണ്? ഷെയർ ചെയ്യാനും മറക്കണ്ട 

Virat Kohli's return to Ranji Trophy cricket drew a massive crowd to Delhi's Arun Jaitley Stadium. However, overcrowding led to injuries among fans.

#ViratKohli #RanjiTrophy #Cricket #Delhi #ArunJaitleyStadium #Crowd