കാമുകനൊപ്പം പോയ യുവതി കോടതിയിൽവെച്ച് മനംമാറി ഭർത്താവിനൊപ്പം മടങ്ങി

പയ്യന്നൂർ: (KVARTHA) ഭർതൃമതിയായ യുവതി കാമുകനൊപ്പം ഒളിച്ചോടിയ കേസിൽ, കോടതിയിൽ ഹാജരാക്കിയപ്പോൾ കാമുകനെ ഉപേക്ഷിച്ച് വീണ്ടും ഭർത്താവിനൊപ്പം തന്നെ പോയി. ചെറുപുഴ പോലീസ് സ്റ്റേഷൻ പരിധിയിലാണ് സംഭവം.

37 വയസ്സുകാരിയായ യുവതിയെയാണ് കഴിഞ്ഞ മാസം മുപ്പതിന് ഭർതൃവീട്ടിൽനിന്ന് കാണാതായത്. യുവതിക്കൊപ്പം നാട്ടിലെ ഒരു യുവാവും അപ്രത്യക്ഷനായിരുന്നു. പിന്നീട് തിരിച്ചെത്തിയില്ലെന്ന ഭർത്താവിന്റെ പരാതിയിൽ ചെറുപുഴ പോലീസ് കേസെടുത്ത് അന്വേഷണം ഊർജ്ജിതമാക്കി.

ഇതിനിടെ, നാടകീയമായി യുവതി കഴിഞ്ഞ ദിവസം കാമുകനൊപ്പം പയ്യന്നൂർ പോലീസ് സ്റ്റേഷനിൽ ഹാജരാവുകയായിരുന്നു. തുടർന്ന് പോലീസ് യുവതിയെ പയ്യന്നൂർ കോടതിയിൽ ഹാജരാക്കി. കോടതിമുറിയിൽ മജിസ്‌ട്രേറ്റിനോട് തനിക്ക് ഭർത്താവിനൊപ്പം താമസിക്കാനാണ് താൽപര്യമെന്ന് പറഞ്ഞ് യുവതി കാമുകനെ ഉപേക്ഷിച്ചു. 

ഇവരെ വീണ്ടും സ്വീകരിക്കാൻ താൻ തയ്യാറാണെന്ന് ഭർത്താവ് കോടതിയിൽ അറിയിച്ചതോടെയാണ് യുവതിയുടെ മനംമാറ്റം സംഭവിച്ചത്. ഇതോടെ യുവതി ഭർത്താവിനൊപ്പം വീട്ടിലേക്ക് മടങ്ങുകയായിരുന്നു.

ഈ വാർത്തയെക്കുറിച്ച് നിങ്ങളുടെ അഭിപ്രായം എന്താണ്? വാർത്ത സുഹൃത്തുക്കളുമായി പങ്കുവെക്കുക. 

Article Summary: Married woman who eloped with lover returns to husband after a dramatic turn in Payyanur court.

#Payyanur #Cherupuzha #CourtDrama #FamilyNews #KeralaNews #MaritalDispute