എസ്എസ്എഫ് കണ്ണൂർ ജില്ലാ സാഹിത്യോത്സവത്തിനും കലാവിരുന്നിനും ജൂലൈ ഒന്നിന് കമ്പിൽ കൊളച്ചേരി മുക്ക് സ്റ്റേഡിയത്തിൽ തുടക്കം 

കണ്ണൂർ: (KVARTHA) 33-ാമത് എസ്എസ്എഫ് ജില്ലാ സാഹിത്യോത്സവവും കലാവിരുന്നും ജൂലൈ ഒന്നിന് ആരംഭിക്കുമെന്ന് ഭാരവാഹികൾ കണ്ണൂർ പ്രസ് ക്ലബ്ബിൽ വാർത്താസമ്മേളനത്തിൽ അറിയിച്ചു. അഞ്ച് ദിവസങ്ങളിലായി കമ്പിൽ കൊളച്ചേരി മുക്ക് സ്റ്റേഡിയത്തിൽ ജില്ലയിലെ മുൻകാല പ്രസ്ഥാനിക നേതാക്കളുടെ മഖാം സിയാറത്തോടെ സാഹിത്യോത്സവത്തിന് തുടക്കമാകും.

ജൂലൈ രണ്ടിന് നടക്കുന്ന സാംസ്കാരിക സമ്മേളനം വൈകുന്നേരം നാല് മണിക്ക് കെ വി സുമേഷ് എംഎൽഎ ഉദ്ഘാടനം ചെയ്യും. ജൂലൈ മൂന്നിന് രാത്രി ഏഴ് മണിക്ക് നടക്കുന്ന ആത്മീയ സംഗമത്തിൽ സി കെ റാഷിദ് ബുഖാരി മുഖ്യപ്രഭാഷണം നടത്തും. നാല്, അഞ്ച് തീയതികളിൽ ജില്ലയിലെ കലാപ്രതിഭകളുടെ സ്റ്റേജ് - നോൺ സ്റ്റേജ് തല മത്സരങ്ങൾ അരങ്ങേറും. ജില്ലയിലെ 13 ഡിവിഷനുകളിൽ നിന്നും വിജയിച്ച 2000-ത്തോളം പ്രതിഭകൾ 13 വേദികളിലായി 170-ലധികം മത്സരങ്ങളിൽ മാറ്റുരയ്ക്കും.

ജൂലൈ നാലിന് വൈകുന്നേരം നാല് മണിക്ക് സാഹിത്യോത്സവം പ്രശസ്ത ഓൺലൈൻ മാധ്യമ പ്രവർത്തകനായ എം കെ വേണു ഉദ്ഘാടനം ചെയ്യും. സമാപന സമ്മേളനം കേരള മുസ്‌ലിം ജമാഅത്ത് സംസ്ഥാന ഉപാധ്യക്ഷൻ പട്ടുവം കെ പി മുസ്‌ലിയാർ ഉദ്ഘാടനം ചെയ്യും. 

തുടർന്ന് സാഹിത്യോത്സവ് പ്രതിഭകൾക്കുള്ള അവാർഡ് ദാനവും നടക്കും. പരിപാടികളിൽ ജനപ്രതിനിധികളും രാഷ്ട്രീയ സാംസ്കാരിക നേതാക്കളും സംബന്ധിക്കുമെന്ന് ഭാരവാഹികൾ പറഞ്ഞു. സ്വാഗതസംഘം ചെയർമാൻ ബഷീർ അർഷദി വേശാല, സെക്രട്ടറി ഫായിസ് അബ്ദുല്ല, ഡോ. അബ്ദുല്ല, അശ്രഫ് ചേലേരി എന്നിവരും വാർത്താസമ്മേളനത്തിൽ പങ്കെടുത്തു.

സാഹിത്യോത്സവവുമായി ബന്ധപ്പെട്ട ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. കൂടുതൽ പ്രാദേശിക വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ  ഫേസ്ബുക് പോസ്റ്റിന് താഴെ കമന്റായി രേഖപ്പെടുത്താം.

Updated

Article Summary: The 33rd SSF Kannur District Sahithyolsavam and Art Festival will commence on July 1st at Kambil Kolacheri Mukku Stadium, featuring over 2000 participants competing across 13 stages over five days.

#SSFSahithyolsavam #KannurNews #KeralaMuslimJamaat #YouthFestival #KeralaEvents #KVSumeshMLA