സമസ്ത മദ്റസാ പൊതു പരീക്ഷക്കിടെ അധ്യാപകൻ കുഴഞ്ഞുവീണ് മരിച്ചു

പാമ്പുരുത്തി: (KVARTHA) സമസ്ത മദ്റസാ പൊതു പരീക്ഷാ ഡ്യൂട്ടിക്കിടെ അധ്യാപകൻ കുഴഞ്ഞുവീണ് മരിച്ചു. ചെക്കിക്കുളം നെല്ലിക്ക പാലം മദ്റസയിലെ പ്രധാന അധ്യാപകൻ കൊളച്ചേരി പള്ളിപ്പറമ്പ് കൈപ്പയിൽ സ്വദേശി ഹംസ മൗലവി (65) യാണ് മരിച്ചത്.

ശനിയാഴ്ച്ച രാവിലെ പാമ്പുരുത്തി മദ്റസയിൽ പൊതു പരീക്ഷാ ഡ്യൂട്ടിയുടെ ഭാഗമായി പൊതുനിരീക്ഷകനായി ജോലി ചെയ്തു കൊണ്ടിരിക്കെയാണ് സംഭവം. കുഴഞ്ഞുവീണ ഹംസ മൗലവിയെ ഉടൻ തന്നെ കണ്ണൂർ കൊയിലി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

മത-സാമൂഹിക-രാഷ്ട്രീയ രംഗങ്ങളിൽ സജീവ സാന്നിധ്യമായിരുന്നു ഹംസ മൗലവി. കമ്പിൽ ലത്വീഫിയ്യ ഇസ്ലാമിക് സെന്റർ കറസ്പോണ്ടന്റ്, മുസ്ലിം ലീഗ് ജില്ലാ കമ്മിറ്റി അംഗം എന്നീ നിലകളിൽ പ്രവർത്തിച്ചു വരികയായിരുന്നു. കൂടാതെ, 25 വർഷത്തോളം പള്ളിപ്പറമ്പ് മഹൽ ജനറൽ സെക്രട്ടറിയായും സേവനമനുഷ്ഠിച്ചിട്ടുണ്ട്.

പരേതരായ ചേക്കൂട്ടി - മറിയം ദമ്പതികളുടെ മകനാണ്. ഭാര്യ: ഷെരീഫ. സഹോദരങ്ങൾ: മഹമൂദ് ഹാജി (ലത്വീഫിയ്യ മെമ്പർ), അബ്ദുല്ല (ലത്വീഫിയ്യ മെമ്പർ), ശരീഫ, ആയിഷ.

ഈ വാർത്ത ഷെയർ ചെയ്യൂ. 

Article Summary: Hamsa Moulavi (65), a Madrasa teacher and Muslim League leader, collapsed and died while on Samastha public exam duty at Pamburuthi, Kannur.

#Kannur #Obituary #Samastha #MadrasaTeacher #MuslimLeague #KeralaNews #HamsaMoulavi