രാജീവൻ കാവുമ്പായി സ്മാരക മാധ്യമ അവാർഡിന് മാധ്യമപ്രവർത്തകൻ രതീഷ് വാസുദേവൻ അർഹനായി; എൻ വി പ്രകൃതിയെക്കുറിച്ചുള്ള റിപ്പോർട്ടാണ് അവാർഡ് നേടിക്കൊടുത്തത്

കണ്ണൂർ: (KVARTHA) 2024-ലെ രാജീവൻ കാവുമ്പായി സ്മാരക മാധ്യമ അവാർഡിന് 'ന്യൂസ് മലയാളം 24x7' ചാനൽ സീനിയർ റിപ്പോർട്ടർ രതീഷ് വാസുദേവൻ അർഹനായി. ദൃശ്യമാധ്യമ റിപ്പോർട്ടിനാണ് പുരസ്കാരം ലഭിച്ചിരിക്കുന്നത്. 10000 രൂപയും പ്രശസ്തിപത്രവും ഫലകവും അടങ്ങുന്നതാണ് അവാർഡ്. പുരസ്കാരം പിന്നീട് ഔദ്യോഗികമായി സമർപ്പിക്കുമെന്ന് സംഘാടകർ വാർത്താസമ്മേളനത്തിൽ വ്യക്തമാക്കി.

പ്രമുഖ മാധ്യമപ്രവർത്തകനും ദേശാഭിമാനി സബ് എഡിറ്ററുമായിരുന്ന രാജീവൻ കാവുമ്പായിയുടെ സ്മരണയ്ക്കായി കണ്ണൂർ പ്രസ്‌ക്ലബും ദേശാഭിമാനി എംപ്ലോയീസ് വെൽഫെയർ അസോസിയേഷനും ചേർന്നാണ് അവാർഡ് ഏർപ്പെടുത്തിയിട്ടുള്ളത്.

അവാർഡിനർഹമായ റിപ്പോർട്ട്

ന്യൂസ് മലയാളം 24x7 ചാനലിൽ 2024 ഒക്ടോബർ 7-ന് പ്രക്ഷേപണം ചെയ്ത 'ഗോത്രവിഭാഗത്തിൽപ്പെട്ട ആദ്യ ട്രാൻസ്‌വുമൺ അധ്യാപികയായ എൻ.വി. പ്രകൃതി ജോലിതേടി കോടതിയിലേക്ക്' എന്ന റിപ്പോർട്ടാണ് അവാർഡിനർഹമായത്. മുതിർന്ന മാധ്യമപ്രവർത്തകൻ ഇ.എം. രഞ്ജിത്ത് ബാബു, ബാലകൃഷ്ണൻ കൊയ്യാൽ, ജിത്തു കോളയാട് എന്നിവരടങ്ങിയ ജൂറിയാണ് അവാർഡ് ജേതാവിനെ നിർണയിച്ചത്. വയനാട് സുൽത്താൻബത്തേരി നെന്മേനി സ്വദേശിയാണ് രതീഷ് വാസുദേവൻ.

വാർത്താസമ്മേളനത്തിൽ കണ്ണൂർ പ്രസ്‌ക്ലബ് പ്രസിഡന്റ് സി. സുനിൽ കുമാർ, സെക്രട്ടറി കബീർ കണ്ണാടിപ്പറമ്പ്, ദേശാഭിമാനി എംപ്ലോയീസ് വെൽഫെയർ അസോസിയേഷൻ വൈസ് പ്രസിഡന്റ് എ. അശോകൻ തുടങ്ങിയവർ പങ്കെടുത്തു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും പങ്കുവെക്കുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: News Malayalam 24x7 senior reporter Ratheesh Vasudevan wins the Rajeevan Kavumpai Memorial Media Award 2024.

#Kvartha #RatheeshVasudevan #RajeevanKavumpaiAward #NewsMalayalam24x7 #JournalismAward #KannurPressClub #MalayalamNews #AmmuNews