പുതിയങ്ങാടിയിൽ ഗ്യാസ് സിലിണ്ടർ പൊട്ടിത്തെറിച്ച് പൊള്ളലേറ്റ ഒഡീഷ സ്വദേശി മരിച്ചു

കണ്ണൂർ: (KVARTHA) പുതിയങ്ങാടിയിൽ വാടക ക്വാർട്ടേഴ്സിൽ നിന്നും പാചകവാതക സിലിണ്ടർ ചോർച്ചയെ തുടർന്നുണ്ടായ തീപ്പിടുത്തത്തിൽ അതീവ ഗുരുതരമായി പൊള്ളലേറ്റ ഒഡീഷ സ്വദേശി പരിയാരത്തെ കണ്ണൂർ മെഡിക്കൽ കോളേജിൽ ചികിത്സയിലിരിക്കെ മരിച്ചു. സുഭാഷ് ബഹ്‌റ (50) യാണ് തിങ്കളാഴ്ച പുലർച്ചെ മരിച്ചത്.

കഴിഞ്ഞ വെള്ളിയാഴ്ച പുലർച്ചെ ആറു മണിക്കാണ് അപകടം സംഭവിച്ചത്. പാചകം ചെയ്യുന്നതിനായി ലൈറ്റർ ഉപയോഗിച്ച് കത്തിച്ചപ്പോൾ സിലിണ്ടറിൽ നിന്നും തീ ആളിപ്പടരുകയായിരുന്നു. അപകടത്തിൽ നാല് പേർക്കാണ് പൊള്ളലേറ്റത്. ഒഡീഷ സ്വദേശികളായ ശിവ (31), നിഗം (40), ജിത്തു (28) എന്നിവർ കണ്ണൂർ മെഡിക്കൽ കോളേജിൽ ചികിത്സയിലാണ്. ഇവരുടെ നില ഗുരുതരമായി തുടരുകയാണ്.

സംഭവമറിഞ്ഞെത്തിയ പഴയങ്ങാടി പോലീസും നാട്ടുകാരും ചേർന്നാണ് പരിക്കേറ്റവരെ ഉടൻ തന്നെ കണ്ണൂർ മെഡിക്കൽ കോളേജ് ആശുപത്രിയിലെത്തിച്ചത്.

പാചകവാതക അപകടങ്ങൾ ഒഴിവാക്കാൻ കൂടുതൽ ശ്രദ്ധിക്കേണ്ടതുണ്ടോ? ഈ വാർത്ത ഷെയർ ചെയ്ത് മറ്റുള്ളവരിലേക്ക് എത്തിക്കുക. 

Article Summary: Odia native Subhash Bahra dies from burns after a gas cylinder leak explosion in Kannur; three others critical.

#GasCylinderExplosion #KannurAccident #Puthiyangadi #Tragedy #MigrantWorker #Odisha