വിവാദങ്ങൾക്കൊടുവിൽ പയ്യന്നൂർ ബൈപ്പാസ് റോഡ് തിങ്കളാഴ്ച ഗതാഗതത്തിനായി തുറന്നു കൊടുക്കും

പയ്യന്നൂർ: (KVARTHA) ഏറെ വിവാദങ്ങൾക്കും സോഷ്യൽ മീഡിയ ചർച്ചകൾക്കും വിഷയമായിരുന്ന പയ്യന്നൂർ ബൈപ്പാസ് റോഡ് മെക്കാഡം ടാറിങ്ങിനു ശേഷം തിങ്കളാഴ്ച (ഡിസംബർ 1) ഗതാഗതത്തിനായി തുറന്നു കൊടുക്കുമെന്ന് നഗരസഭ പൊതുമരാമത്ത് വിഭാഗം അറിയിച്ചു.

പയ്യന്നൂർ എൽഐസി ജങ്ഷൻ മുതൽ പെരുമ്പ ദേശീയപാത വരെ ബൈപ്പാസ് റോഡ് എംഎൽഎ ഫണ്ടും നഗരസഭ ഫണ്ടും ഉപയോഗിച്ചാണ് മെക്കാഡം ടാറിങ് നടത്തിയത്. അടച്ചിട്ട ബൈപ്പാസ് റോഡ് തിങ്കൾ മുതൽ ഗതാഗതത്തിനായി തുറന്നു നൽകും.

എൽഐസി ജങ്ഷൻ മുതൽ പെരുമ്പ ഹൈവേ വരെ നഗരസഭയുടെ 1.50 കോടി രൂപയും മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ ടി ഐ മധുസൂദനൻ എംഎൽഎയുടെ നിർദ്ദേശപ്രകാരം അനുവദിച്ച 45 ലക്ഷം രൂപയും ചെലവഴിച്ചാണ് മെക്കാഡം ടാറിങ്ങ് നടത്തിയത്. 

അതോടൊപ്പം, തായിനേരി റോഡ് ജങ്ഷൻ മുതൽ എൽഐസി ജങ്ഷൻ വരെ നഗരസഭ പദ്ധതിയിൽ 30 ലക്ഷം രൂപ ചെലവഴിച്ച് റീ ടാറിങ്ങും പൂർത്തിയായി. ആധുനിക സംവിധാനങ്ങൾ ഉപയോഗിച്ചാണ് ഇവിടെ ടാറിങ്ങ് നടത്തിയത്.

ടി ഐ മധുസൂദനൻ എംഎൽഎ, നഗരസഭ ചെയർപേഴ്സൺ കെ വി ലളിത എന്നിവരുടെ നേതൃത്വത്തിൽ സ്ഥലം സന്ദർശിച്ച് പ്രവൃത്തി വിലയിരുത്തിയിരുന്നു.

നവീകരിച്ച ബൈപ്പാസ് റോഡ് തുറക്കുന്നത് ഗതാഗതക്കുരുക്കിന് ആശ്വാസമാകുമോ? നിങ്ങളുടെ അഭിപ്രായം കമൻ്റ് ചെയ്യുക. ഈ വാർത്ത നിങ്ങളുടെ സുഹൃത്തുക്കളുമായി പങ്കുവെക്കൂ. 

Article Summary: Payyanur bypass road with macadam tarring will open for traffic on Monday after controversies.

#PayyanurBypass #KannurNews #RoadDevelopment #KeralaNews #TImadhusoodanan #LocalNews