പയ്യാമ്പലത്ത് മത്തിച്ചാകര: തീരം നിറഞ്ഞ് ജനക്കൂട്ടം

കണ്ണൂർ: (KVARTHA) പയ്യാമ്പലം കടപ്പുറത്ത് ശനിയാഴ്ച രാവിലെ വൻ മത്തിച്ചാകരയുണ്ടായി. രാവിലെ ഒൻപത് മണിയോടെയാണ് ചെറിയ മത്തി കൂട്ടമായി തീരത്തടിഞ്ഞത്. ഈ 'ചാകര' കൊയ്യാനായി നാട്ടുകാരും വിനോദസഞ്ചാരികളും മത്സ്യത്തൊഴിലാളികളും അടക്കം വൻ ജനക്കൂട്ടം തീരത്തെത്തി.

മത്സ്യം വാരിക്കൂട്ടാൻ ലഭിച്ച അവസരം പ്രയോജനപ്പെടുത്തി പലരും സഞ്ചികളിൽ നിറയെ മത്തിയുമായാണ് മടങ്ങിയത്. വിവരമറിഞ്ഞ് കൂടുതൽ മത്സ്യസമ്പത്ത് ലക്ഷ്യമിട്ട് ബോട്ടുകളും പുറംകടലിൽ എത്തി. ഇതോടെ, തീരത്തടിയുന്ന മത്തിയുടെ അളവിൽ കുറവുണ്ടായി.

സംഭവം സാമൂഹിക മാധ്യമങ്ങളിൽ വൈറലായതോടെ നിരവധിയാളുകളാണ് പിന്നീട് പയ്യാമ്പലത്തേക്ക് ഒഴുകിയെത്തിയത്. എന്നാൽ, ഈ സമയത്ത് എത്തിച്ചേർന്നവരിൽ പലർക്കും വളരെ കുറച്ചു മത്തി മാത്രമേ ലഭിച്ചുള്ളൂ. 

മത്തി പെറുക്കുന്നതിനായി കടലിലിറങ്ങിയ ആളുകളെ ലൈഫ് ഗാർഡുമാർ നിയന്ത്രിച്ചു. മണിക്കൂറുകൾ നീണ്ടുനിന്ന മത്തി ചാകര അവസാനിച്ചതോടെയാണ് തീരത്തെത്തിയ ജനക്കൂട്ടം പിരിഞ്ഞുപോയത്.

കണ്ണൂർ പയ്യാമ്പലത്തെ ഈ അപൂർവ കാഴ്ചയെക്കുറിച്ച് നിങ്ങളുടെ സുഹൃത്തുക്കൾ അറിയേണ്ടേ? ഈ വാർത്ത ഉടൻ പങ്കുവെക്കുക. നിങ്ങളുടെ അനുഭവം കമൻ്റ് ചെയ്യുക. 

Article Summary: Massive sardine shoal hits Payyambalam beach in Kannur, drawing large crowds for collection.

#Payyambalam #MathiChakara #Kannur #KeralaNews #Fisheries #SardineShoal