പാരമിലിറ്ററി എക്സ്-സർവീസ്മെൻ അസോസിയേഷൻ വാർഷികാഘോഷം 18-ന് കണ്ണൂരിൽ; മന്ത്രി കടന്നപ്പള്ളി ഉദ്ഘാടനം ചെയ്യും

കണ്ണൂർ: (KVARTHA) അഖിലേന്ത്യ സെൻട്രൽ പാരമിലിറ്ററി ഫോഴ്സസ് എക്സ്-സർവീസ്മെൻ വെൽഫെയർ അസോസിയേഷൻ കണ്ണൂർ - കാസർകോട് ജില്ലാ കമ്മിറ്റിയുടെ വാർഷിക സമ്മേളനവും വാർഷികാഘോഷവും ജനുവരി 18 ഞായറാഴ്ച നടക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. 

കണ്ണൂർ ജവഹർ ഓഡിറ്റോറിയത്തിൽ നടക്കുന്ന പരിപാടി രാവിലെ 10 മണിക്ക് മന്ത്രി കടന്നപ്പള്ളി രാമചന്ദ്രൻ ഉദ്ഘാടനം ചെയ്യും. രാവിലെ ഒമ്പത് മുതൽ സംഘടനാ കാര്യങ്ങൾ ഉൾപ്പെടുന്ന ഒന്നാം സെഷനും 10.30 മുതൽ പ്രധാന പരിപാടികളടങ്ങിയ രണ്ടാം സെഷനും നടക്കും. സമ്മേളനത്തോടനുബന്ധിച്ച് തലശ്ശേരി മിഷൻ ആശുപത്രിയുടെ സഹകരണത്തോടെ സൗജന്യ മെഡിക്കൽ പരിശോധനയും ക്രമീകരിച്ചിട്ടുണ്ട്.

കണ്ണൂരിൽ സി ജി എച്ച് എസ് വെൽനെസ് സെന്റർ ആരംഭിക്കാൻ നേതൃത്വം നൽകിയ മുൻ എം പിമാരായ പി കെ ശ്രീമതി, കെ കെ രാഗേഷ് എന്നിവരെ ചടങ്ങിൽ ആദരിക്കും. കൂടാതെ പത്മശ്രീ ജേതാവ് ഇ പി നാരായണൻ പെരുവണ്ണാൻ, സംഘടനയുടെ മുതിർന്ന അംഗങ്ങൾ, രാഷ്ട്രപതിയുടെ വിശിഷ്ട സേവന മെഡൽ നേടിയവർ എന്നിവരെയും ചടങ്ങിൽ ആദരിക്കും.

വാർത്താസമ്മേളനത്തിൽ ഭാരവാഹികളായ സി ബാലകൃഷ്ണൻ, എൻ സതീഷ് കുമാർ, ടി വിജയൻ, എൻ കുഞ്ഞിരാമൻ, കെ സനാതൻ എന്നിവർ പങ്കെടുത്തു.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യുക.

Article Summary: All India Central Paramilitary Forces Ex-Servicemen Welfare Association annual meeting to be held in Kannur on Jan 18; Minister Kadannappally Ramachandran to inaugurate.

#Kannur #Paramilitary #ExServicemen #KadannappallyRamachandran #AnnualDay #KeralaNews