സെബിക്കും കേന്ദ്ര സർക്കാരിനുമെതിരെ പ്രതിഷേധം; കണ്ണൂരിൽ പിഎസിഎൽ നിക്ഷേപകരുടെ കൂട്ട ഉപവാസം

കണ്ണൂർ: (KVARTHA) സെബിയുടെയും കേന്ദ്ര സർക്കാരിന്റെയും നിഷ്ക്രിയത്വത്തിനും നീതിനിഷേധത്തിനുമെതിരെ സ്വാതന്ത്ര്യ ദിനത്തിൽ കണ്ണൂരിൽ വൻ പ്രതിഷേധം. പേൾസ് ആഗ്രോടെക് കോർപ്പറേഷൻ ലിമിറ്റഡ് ഫീൽഡ് വർക്കർമാരും നിക്ഷേപകരുമാണ് കണ്ണൂർ ഹെഡ് പോസ്റ്റ് ഓഫീസിന് മുൻപിൽ കൂട്ട ഉപവാസ സമരം സംഘടിപ്പിച്ചത്. സ്ത്രീകളുൾപ്പെടെ നിരവധി പേരാണ് തങ്ങളുടെ ആവശ്യങ്ങൾ ഉന്നയിച്ച് പ്രതിഷേധത്തിൽ അണിനിരന്നത്.

പോസ്റ്റ് ഓഫീസിന് മുൻപിൽ കൂട്ട ഉപവാസം

രാവിലെ 10 മണിക്ക് കണ്ണൂർ സ്റ്റേഡിയം കോർണറിൽ നിന്നും ആരംഭിച്ച പ്രകടനത്തോടെയാണ് സമരപരിപാടികൾക്ക് തുടക്കമായത്. തുടർന്ന് ഹെഡ് പോസ്റ്റ് ഓഫീസിന് മുൻപിൽ ആരംഭിച്ച കൂട്ട ഉപവാസ സമരം വൈകിട്ട് അഞ്ച് മണിവരെ നീണ്ടുനിന്നു. പിഎസിഎൽ സംസ്ഥാന രക്ഷാധികാരി കെ അശോകൻ ഉപവാസ സമരം ഉദ്ഘാടനം ചെയ്തു.

നേതാക്കളുടെ പ്രഭാഷണങ്ങൾ

സമരപ്പന്തലിൽ നടന്ന യോഗത്തിൽ ജില്ലാ പ്രസിഡന്റ് ടി വി ബാലൻ അധ്യക്ഷത വഹിച്ചു. സംസ്ഥാന സെക്രട്ടറി ആർ രാധാകൃഷ്ണൻ മുഖ്യപ്രഭാഷണം നടത്തി. ജില്ലാ സെക്രട്ടറി വി ആർ കുട്ടികൃഷ്ണൻ സ്വാഗതം പറഞ്ഞു. നേതാക്കളായ കെ രാഘവൻ, ടി കെ രാമദാസ്, ജയദേവൻ വൈദ്യർ, ജാനകി അമ്മ, കെ വി പ്രദീപൻ, ടി പ്രസന്ന തുടങ്ങിയവർ സമരത്തെ അഭിസംബോധന ചെയ്ത് സംസാരിച്ചു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: PACL investors and workers held a hunger strike in Kannur on Independence Day.

#Kannur #PACL #Protest #HungerStrike #SEBI #Kvartha #AmmuNews