'മുള്ളൻകൊല്ലി'ക്കെതിരെ സൈബർ ആക്രമണം; നായകൻ അഖിൽ മാരാറിനെ ലക്ഷ്യമിടുന്നു

കണ്ണൂർ: (KVARTHA) മുള്ളൻകൊല്ലി സിനിമക്കെതിരെ മനഃപൂർവമായ ഡീഗ്രേഡിങ് നടക്കുന്നുവെന്ന് സിനിമയുടെ സംവിധായകൻ ബാബു ജോൺ. സിനിമയുടെ റിലീസിന് ശേഷം ആദ്യ ഷോ കഴിയുന്നതിന് മുൻപേതന്നെ സമൂഹമാധ്യമങ്ങളിൽ നെഗറ്റീവ് റിവ്യൂകൾ വന്നുതുടങ്ങിയത് ഇതിന്റെ ഭാഗമാണെന്ന് അദ്ദേഹം കണ്ണൂർ പ്രസ് ക്ലബിൽ നടത്തിയ വാർത്താസമ്മേളനത്തിൽ ആരോപിച്ചു.

'മുൻകൂട്ടി തയ്യാറാക്കി വെച്ച ഒരു തിരക്കഥ പോലെയാണിത് നടന്നത്. ഹൈപ്പ് ഉള്ള സിനിമകളെക്കുറിച്ച് നെഗറ്റീവ് റിവ്യൂ എഴുതുന്നത് ചിലർക്ക് വരുമാന മാർഗമാണ്. നെഗറ്റീവ് റിവ്യൂ ഒഴിവാക്കാൻ അവരുടെ പോക്കറ്റിൽ പണം വെച്ചുകൊടുക്കേണ്ട അവസ്ഥയാണ്', ബാബു ജോൺ പറഞ്ഞു

ചെറിയ ബജറ്റിൽ നിർമിച്ച സിനിമയ്ക്ക് തരക്കേടില്ലാത്ത അഭിപ്രായമാണ് ലഭിക്കുന്നത്. എന്നിരുന്നാലും, സിനിമയിലെ നായകനായ അഖിൽ മാരാറിനെ ലക്ഷ്യമിട്ട് സൈബർ ആക്രമണം നടക്കുകയാണ്. 

സിനിമ കണ്ടതിന് ശേഷം ഇഷ്ടപ്പെട്ട നിരവധി പേർ സമൂഹമാധ്യമങ്ങളിൽ പിന്തുണയുമായി രംഗത്തുവന്നിട്ടുണ്ട്. പല സ്ഥലങ്ങളിലും സിനിമയുടെ ഷോകൾ നടക്കുന്നുണ്ടെങ്കിലും ആളുകൾ കയറാൻ മടിക്കുകയാണെന്നും സംവിധായകൻ കൂട്ടിച്ചേർത്തു.

സിനിമയെ ഡീഗ്രേഡിങ് ചെയ്യുന്നത് ശരിയാണോ? ഈ വിഷയത്തിൽ നിങ്ങളുടെ അഭിപ്രായം കമന്റ് ചെയ്യൂ.

Article Summary: Director alleges 'Mullankolli' film is targeted by degrading.

#Mullankolli #BabuJohn #FilmDegrading #MalayalamCinema #AkhilMarar #KeralaNews