കേരള സ്റ്റേറ്റ് കുക്കിങ് വർക്കേഴ്സ് യൂണിയൻ സംസ്ഥാന സമ്മേളനം ഫെബ്രുവരി രണ്ടിന് തുടങ്ങും; പൊതുസമ്മേളനം മന്ത്രി മുഹമ്മദ് റിയാസ് ഉദ്ഘാടനം ചെയ്യും

കണ്ണൂർ: (KVARTHA) കേരള സ്റ്റേറ്റ് കുക്കിങ് വർക്കേഴ്സ് യൂണിയൻ സംസ്ഥാന സമ്മേളനം ഫെബ്രുവരി രണ്ട്, മൂന്ന് തീയതികളിൽ കണ്ണൂരിൽ നടക്കുമെന്ന് ഭാരവാഹികൾ കണ്ണൂർ പ്രസ് ക്ലബ്ബിൽ വാർത്താസമ്മേളനത്തിൽ അറിയിച്ചു. 

പയ്യാമ്പലം ബാലബീച്ച് റിസോർട്ടിലാണ് സമ്മേളനം നടക്കുന്നത്. സമ്മേളനത്തിൽ മന്ത്രിമാരും സാമൂഹിക-സാംസ്കാരിക നായകന്മാരും ട്രേഡ് യൂണിയൻ നേതാക്കളുമുൾപ്പെടെയുള്ളവർ പങ്കെടുക്കും.

ഫെബ്രുവരി രണ്ടിന് ഉച്ചതിരിഞ്ഞ് 2.30-ന് നടക്കുന്ന പ്രതിനിധി സമ്മേളനം ജില്ലാ പഞ്ചായത്ത് പ്രസിഡന്റ് അഡ്വ. ബിനോയ് കുര്യൻ ഉദ്ഘാടനം ചെയ്യും. മൂന്നിന് വൈകിട്ട് മൂന്ന് മണിക്ക് നടക്കുന്ന പൊതുസമ്മേളനം മന്ത്രി പി.എ. മുഹമ്മദ് റിയാസ് ഉദ്ഘാടനം ചെയ്യും.

മൂന്നിന് രാവിലെ 10 മണിക്ക് കണ്ണൂർ വിളക്കുംതറ മൈതാനം കേന്ദ്രീകരിച്ച് പയ്യാമ്പലത്തെ ഉദ്ഘാടന വേദിയിലേക്ക് പ്രകടനവുമുണ്ടാകുമെന്ന് സംസ്ഥാന പ്രസിഡന്റ് വി. ഹനീഫ അറിയിച്ചു. സംസ്ഥാന-ജില്ലാ ഭാരവാഹികളായ ബഷീർ വേറ്റുമ്മൽ, സജീവൻ ഇരിണാവ്, വി. അഷ്റഫ്, അസീസ് ധർമ്മടം എന്നിവരും വാർത്താസമ്മേളനത്തിൽ പങ്കെടുത്തു.

ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: The Kerala State Cooking Workers Union state conference will be held in Kannur on February 2 and 3. Minister P.A. Mohamed Riyas will inaugurate the public meeting, and District Panchayat President Adv. Binoy Kurian will inaugurate the representative session.

#Kannur #CookingWorkersUnion #TradeUnion #PAMohamedRiyas #KeralaNews #Payyambalam