കേരള അറബിക് ടീച്ചേഴ്സ് ഫെഡറേഷൻ 68-ാമത് സംസ്ഥാന സമ്മേളനം 22 മുതൽ കണ്ണൂരിൽ; 'അതിജീവിക്കാം കരുത്താർജിക്കാം' എന്ന് പ്രമേയം

കണ്ണൂർ: (KVARTHA) കേരളത്തിലെ ഭാഷാധ്യാപക സംഘടനകളിൽ ഏറ്റവും വലുതായ കേരള അറബിക് ടീച്ചേഴ്സ് ഫെഡറേഷന്റെ (കെ.എ.ടി.എഫ്) അറുപത്തിയെട്ടാമത് സംസ്ഥാന സമ്മേളനം ജനുവരി 22, 23, 24 തീയതികളിൽ കണ്ണൂരിൽ നടക്കുമെന്ന് കണ്ണൂർ പ്രസ് ക്ളബ്ബിൽ നടന്ന വാർത്താ സമ്മേളനത്തിൽ സംഘാടകർ അറിച്ചു. 'അതിജീവിക്കാം കരുത്താർജിക്കാം' എന്ന പ്രമേയമാണ് ഇത്തവണത്തെ സമ്മേളനം പ്രധാനമായും ചർച്ച ചെയ്യുന്നത്.

സംഘടനയുടെ ചരിത്രവും ലക്ഷ്യങ്ങളും

രാജഭരണകാലം മുതൽ തന്നെ കേരളത്തിലെ പൊതുവിദ്യാലയങ്ങളിൽ അറബി ഭാഷാ പഠനം നിലവിലുണ്ടായിരുന്നു. 1958-ൽ കരുവള്ളി മുഹമ്മദ് മൗലവിയുടെ നേതൃത്വത്തിൽ മലപ്പുറത്ത് ചേർന്ന അറബി അധ്യാപകരുടെ സംഗമത്തിലാണ് കെ.എ.ടി.എഫ് എന്ന സംഘടനയ്ക്ക് രൂപം നൽകിയത്.

സംഘടനയുടെ പ്രധാന ലക്ഷ്യങ്ങൾ ഇവയാണ്:

● അറബി ഭാഷാ പ്രചരണം.

● പൊതുവിദ്യാലയങ്ങളിലെ അറബിക് ഭാഷാ പഠനം മികവുറ്റതാക്കുക.

● അധ്യാപകരുടെയും ജീവനക്കാരുടെയും അവകാശ സംരക്ഷണത്തിനായി നിലകൊള്ളുക.

● പിന്നാക്ക ന്യൂനപക്ഷ വിഭാഗങ്ങളുടെ വിദ്യാഭ്യാസ, സാമൂഹിക പുരോഗതിക്കായി പ്രവർത്തിക്കുക.

സർക്കാരിനോടുള്ള പ്രധാന ആവശ്യങ്ങൾ

കേരളത്തിലെ പൊതുവിദ്യാഭ്യാസ മേഖലയിൽ അറബിക് ഭാഷാ പഠനത്തോട് കാണിക്കുന്ന അവഗണന അവസാനിപ്പിക്കണമെന്ന് സമ്മേളനത്തിലൂടെ കെ.എ.ടി.എഫ് സർക്കാരിനോട് ആവശ്യപ്പെടുന്നു. സമ്മേളനം മുന്നോട്ട് വെക്കുന്ന പ്രധാന ആവശ്യങ്ങൾ താഴെ പറയുന്നവയാണ്:

● മുഴുവൻ ഡയറ്റുകളിലും അറബിക് അധ്യാപക പരിശീലന സെൻ്ററുകൾ അനുവദിക്കുക.

● അൺ എക്കണോമിക് സ്കൂളുകളിൽ മതിയായ കുട്ടികൾ ഉണ്ടായിട്ടും അറബിക് അധ്യാപക തസ്തിക അനുവദിക്കാത്ത നടപടി അവസാനിപ്പിക്കുക.

● കേരളത്തിൽ അറബിക് സർവകലാശാല യാഥാർത്ഥ്യമാക്കുക.

● അധ്യാപകരെ പ്രതിസന്ധിയിലാക്കുന്ന കെ-ടെറ്റ് (K-TET) വിഷയത്തിൽ ശാശ്വത പരിഹാരം കാണുക.

● കുടിശ്ശികയായ ക്ഷാമബത്തയും മറ്റ് ആനുകൂല്യങ്ങളും ഉടൻ വിതരണം ചെയ്യുക.

● ശമ്പള പരിഷ്കരണം ഉടൻ നടപ്പിലാക്കുക.

● ഭിന്നശേഷിയുടെ പേരിലുള്ള നിയമന നിരോധനം പിൻവലിക്കുക.

● ഒഴിഞ്ഞുകിടക്കുന്ന തസ്തികളിൽ അടിയന്തരമായി നിയമനം നടത്തുക.

സമ്മേളന പരിപാടികൾ - ജനുവരി 22 (ഒന്നാം ദിവസം)

● ഉച്ചയ്ക്ക് 2.30: കണ്ണൂർ ശിക്ഷക് സദനിൽ സംസ്ഥാന പ്രസിഡണ്ട് എം.ടി. സൈനുൽ ആബിദീൻ പതാക ഉയർത്തുന്നതോടെ സമ്മേളനത്തിന് ഔദ്യോഗിക തുടക്കമാകും.

● 3.00 PM: പ്രതിനിധി സമ്മേളനം.

● 4.30 PM: കൗൺസിൽ മീറ്റ്.

സമ്മേളന പരിപാടികൾ - ജനുവരി 23 (രണ്ടാം ദിവസം)

രാവിലെ 10.00 - ഉദ്ഘാടന സമ്മേളനം: 

പാണക്കാട് സയ്യിദ് സാദിഖ് അലി ശിഹാബ് തങ്ങൾ സമ്മേളനം ഉദ്ഘാടനം ചെയ്യും. സംസ്ഥാന പ്രസിഡണ്ട് എം.ടി. സൈനുൽ ആബിദീൻ അധ്യക്ഷത വഹിക്കും. കെ. സുധാകരൻ എം.പി മുഖ്യാതിഥിയാവും. 

ത്രിതല പഞ്ചായത്തുകളിലേക്ക് തെരഞ്ഞെടുക്കപ്പെട്ട സംഘടനാ മെമ്പർമാരെ മുസ്ലിം ലീഗ് സംസ്ഥാന ജനറൽ സെക്രട്ടറി പി.എം.എ സലാം ആദരിക്കും. അഡ്വക്കേറ്റ് അബ്ദുൽ കരീം ചേലേരി മുഖ്യപ്രഭാഷണം നിർവഹിക്കും.

●  പ്രസംഗകർ: കെ.പി. താഹിർ, അഹ്മദ് കുട്ടി ഉണ്ണിക്കുളം, കെ.ടി. സഅദുള്ള, എം.എ. കരീം, അഡ്വ. മാർട്ടിൻ ജോർജ്, നസീർ നെല്ലൂർ, യൂനുസ് പടന്നോട്ട്, ഇബ്രാഹിം മൂതൂർ, സി.എച്ച്. ഹംസ.

●  ജനറൽ സെക്രട്ടറി മൻസൂർ മാടമ്പാട്ട് സ്വാഗതവും ട്രഷറർ എ.പി. ബഷീർ നന്ദിയും പറയും.

ഉച്ചയ്ക്ക് 2.00 - ഐടി സമ്മേളനം: 

പാണക്കാട് സയ്യിദ് മുനവ്വറലി ശിഹാബ് തങ്ങൾ ഉദ്ഘാടനം ചെയ്യും. എം.പി. അബ്ദുസ്സലാം അധ്യക്ഷത വഹിക്കും. നജീബ് കാന്തപുരം എം.എൽ.എ മുഖ്യപ്രഭാഷണം നിർവഹിക്കും. കെ.വി. അബ്ദുൽ ജൈസൽ സ്വാഗതവും ലത്തീഫ് മംഗലശ്ശേരി നന്ദിയും പറയും.

വൈകുന്നേരം 4.00 - ഭാഷാ സമ്മേളനം: 

കാലിക്കറ്റ് സർവ്വകലാശാല മുൻ വി.സി ഡോക്ടർ എ. മുഹമ്മദ് ബഷീർ ഉദ്ഘാടനം ചെയ്യും. മുഹമ്മദലി മിശ്കാത്തി അധ്യക്ഷത വഹിക്കും.

● പ്രബന്ധ അവതരണം: ഡോ. സുബൈർ ഹുദവി ചേകന്നൂർ, ഹുസൈൻ പലേക്കോടൻ, ഡോക്ടർ മജീദ് കൊടക്കാട്.

● അബ്ദുറഷീദ് ഖാസിമി സ്വാഗതവും അബ്ദുൽ റഷീദ് നന്ദിയും പറയും.

വൈകുന്നേരം 5.30: 

ടാലന്റ് ഹണ്ട് ഗ്രാൻഡ് ഫിനാലെ.

രാത്രി 7.00 - കലാ സാംസ്കാരിക സമ്മേളനം: 

ഗായകൻ കണ്ണൂർ മമ്മാലി ഉദ്ഘാടനം ചെയ്യും. ഫ്ലവേഴ്‌സ് സിംഗർ ഫെയിം റാനിയ റഫീഖ് അതിഥിയാവും. എം.എ. സാദിഖ് അധ്യക്ഷത വഹിക്കും. കെ.കെ. റംലത്ത് സ്വാഗതവും ഹുസൈൻ പാറൽ നന്ദിയും പറയും. തുടർന്ന് ഇശൽ സന്ധ്യ അരങ്ങേറും.

സമ്മേളന പരിപാടികൾ - ജനുവരി 24 (മൂന്നാം ദിവസം)

● രാവിലെ 9.00 - വനിതാ സമ്മേളനം: കോർപ്പറേഷൻ മേയർ അഡ്വക്കേറ്റ് പി. ഇന്ദിര ഉദ്ഘാടനം ചെയ്യും. ജയന്തി രാജൻ മുഖ്യപ്രഭാഷണം നിർവഹിക്കും. ബി. സൈനബ സ്വാഗതവും ഷറഫുനിസ നന്ദിയും പറയും.

● രാവിലെ 10.30 - വിദ്യാഭ്യാസ സമ്മേളനം: മുസ്ലിം ലീഗ് ദേശീയ സെക്രട്ടറി പി.കെ. കുഞ്ഞാലിക്കുട്ടി എം.എൽ.എ ഉദ്ഘാടനം ചെയ്യും. എ.കെ.എം. അഷ്റഫ് എം.എൽ.എ മുഖ്യാതിഥിയാകും. എസ്.സി.ഇ.ആർ.ടി ഡയറക്ടർ ഡോക്ടർ കെ. ജയപ്രകാശ് മുഖ്യപ്രഭാഷണം നടത്തും.

● ഉച്ചയ്ക്ക് 12.00 - ധൈഷണിക സമ്മേളനം: കെ.പി.സി.സി പ്രസിഡണ്ട് അഡ്വ: സണ്ണി ജോസഫ് എം.എൽ.എ ഉദ്ഘാടനം ചെയ്യും. അഡ്വ: ഹാരിസ് ബീരാൻ എം.പി മുഖ്യാതിഥിയാകും. പി.കെ. ഫിറോസ് മുഖ്യപ്രഭാഷണം നടത്തും. മുൻ പ്രസിഡണ്ട് സലാഹുദ്ദീൻ മദനി, കെ. മോയിൻകുട്ടി മാസ്റ്റർ എന്നിവർ പ്രസംഗിക്കും. കെ. നൂറുൽ അമീൻ അധ്യക്ഷനാവും. ടി.സി. ലത്തീഫ് സ്വാഗതവും സജീബ് നന്ദിയും പറയും.

● ഉച്ചയ്ക്ക് 2.00 - സംഘടനാ സെഷൻ: എൻ. ഷംസുദ്ദീൻ എം.എൽ.എ ഉദ്ഘാടനം ചെയ്യും. മാഹിൻ ബാഖവി അധ്യക്ഷത വഹിക്കും. എ. മുഹമ്മദ് മുഖ്യ പ്രഭാഷണം നിർവഹിക്കും. നൗഷാദ് കോപ്പിലാൻ സ്വാഗതവും അനീസ് അലി നന്ദിയും പറയും.

● വൈകുന്നേരം 3.00 - യാത്രയയപ്പ് സമ്മേളനം: മന്ത്രി കടന്നപ്പള്ളി രാമചന്ദ്രൻ ഉദ്ഘാടനം ചെയ്യും. പി.കെ. ബഷീർ എം.എൽ.എ മുഖ്യാതിഥിയാകും. എം.എ. റഷീദ് മദനി അധ്യക്ഷത വഹിക്കും. ഒ.എം. യഹിയഖാൻ സ്വാഗതവും അഹ്മദ് ഉഖൈൽ നന്ദിയും പറയും.

● യാത്രയയപ്പ് സ്വീകരിക്കുന്നവർ (മറുപടി പ്രസംഗം): എ.എസ്.ഒ. ടി.പി. ഹാരിസ്, മുഹമ്മദ് സജീബ്, ബഷീർ ഫാറൂഖി, എം. മുഹമ്മദ് അജ്മൽ, പി.എച്ച്. മുസ്തഫ, കെ.കെ. അബ്ദുൽ അസീസ്, ബി.എം. മുഹമ്മദ് കോയ, എൻ. സൂപ്പി.

● സമാപനം: തുടർന്ന് ശക്തി പ്രകടനവും പൊതുസമ്മേളനവും നടക്കും. എൻ.എ. നെല്ലിക്കുന്ന് എം.എൽ.എ ഉദ്ഘാടനം ചെയ്യും. അഡ്വ: ഷിബു മീരാൻ മുഖ്യപ്രഭാഷണം നിർവഹിക്കും. നൗഷാദ് മണ്ണിശ്ശേരി അധ്യക്ഷത വഹിക്കും. സി.പി. മുഹമ്മദ് കുട്ടി സ്വാഗതവും കെ.പി. ഷറഫുദ്ദീൻ നന്ദിയും പറയും.

വാർത്താ സമ്മേളനത്തിൽ പങ്കെടുത്തവർ

സംസ്ഥാന പ്രസിഡൻ്റ് എം.ടി. സൈനുൽ ആബിദീൻ, ജനറൽ സെക്രട്ടറി മൻസൂർ മാടമ്പാട്ട്, ട്രഷറർ എ.പി. ബഷീർ, സീനിയർ വൈസ് പ്രസിഡന്റ് മാഹിൻ ബാഖവി, അഡ്വ. എം.പി. മുഹമ്മദലി, പബ്ലിസിറ്റി കൺവീനർ കെ.പി. നജ്മുദ്ദീൻ എന്നിവർ കണ്ണൂർ പ്രസ് ക്ലബ്ബിൽ നടന്ന വാർത്താ സമ്മേളനത്തിൽ സംബന്ധിച്ചു.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യു

Article Summary: The 68th State Conference of the Kerala Arabic Teachers Federation (KATF) will be held in Kannur from January 22 to 24. The conference will focus on the theme "Survive and Strengthen" and raise demands like establishing an Arabic University.

#KATF #Kannur #ArabicTeachers #KeralaEducation #Conference #News #Kerala