റോഡ് മുറിച്ചുകടക്കുന്നതിനിടെ ബസിടിച്ച് 2 വിദ്യാർഥിനികൾക്ക് പരിക്ക്; ഡ്രൈവറും കണ്ടക്ടറും കസ്റ്റഡിയിൽ

കണ്ണൂർ: (KVARTHA) നഗരത്തിൽ റോഡ് മുറിച്ചു കടക്കുന്നതിനിടെ ബസിടിച്ച് രണ്ട് വിദ്യാർഥിനികൾക്ക് പരിക്കേറ്റു. കണ്ണൂർ താവക്കരയിൽ വ്യാഴാഴ്ച രാവിലെ ഒൻപതു മണിയോടെയാണ് അപകടമുണ്ടായത്. അമിതവേഗത്തിലെത്തിയ ബസ് വിദ്യാർഥിനികളെ ഇടിച്ചു തെറിപ്പിക്കുകയായിരുന്നുവെന്ന് ദൃക്‌സാക്ഷികൾ പറയുന്നു.

പരിക്കേറ്റത് ബി.എസ്.സി വിദ്യാർഥിനികൾക്ക്

കണ്ണൂർ നഗരത്തിലെ ഒരു ഇൻസ്റ്റിറ്റ്യൂട്ടിലെ ബി.എസ്.സി വിദ്യാർഥിനികളാണ് അപകടത്തിൽപ്പെട്ടത്. പാനൂർ സ്വദേശിനി ആവണി (19),ചെറുപറമ്പ് സ്വദേശിനി സ്നേഹ (20) എന്നിവർക്കാണ് പരിക്കേറ്റത്.

പരിക്കേറ്റ വിദ്യാർഥിനികളെ ഉടൻ തന്നെ കണ്ണൂരിലെ സ്വകാര്യ ആശുപത്രികളിൽ പ്രവേശിപ്പിച്ച് ചികിത്സ നൽകി.

ഡ്രൈവറും കണ്ടക്ടറും കസ്റ്റഡിയിൽ

കണ്ണൂർ-വടകര റൂട്ടിൽ സർവീസ് നടത്തുന്ന 'ഐവാൻ' എന്ന ബസാണ് വിദ്യാർഥിനികളെ ഇടിച്ചത്. സംഭവത്തെ തുടർന്ന് ബസ് ഡ്രൈവർ ആദർശിനെയും കണ്ടക്ടറെയും കണ്ണൂർ ടൗൺ പൊലീസ് കസ്റ്റഡിയിലെടുത്തു. അപകടമുണ്ടാക്കിയ ബസ് അമിതവേഗത്തിലായിരുന്നുവെന്ന് പൊലീസ് പറയുന്നു.

കൂടുതൽ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താൻ മറക്കരുത്.

Article Summary: Two BSc students were injured as a speeding private bus hit them in Kannur.

#KannurNews #BusAccident #KeralaNews #RoadSafety #Thavakkara #KannurPolice #MalayalamNews #Kvartha #AnjanaNews