കാനന്നൂർ ഫിലാറ്റലിക് ക്ലബ്ബിന്റെ അഖിലേന്ത്യാ സ്റ്റാമ്പ്, നാണയ പ്രദർശനം 17 ന് തുടങ്ങും

കണ്ണൂർ: (KVARTHA) കാനന്നൂർ ഫിലാറ്റലിക് ക്ലബ്ബിന്റെ മുപ്പത്തിയാറാം വാർഷികത്തിന്റെ ഭാഗമായി 'കാൻപെക്സ് 2025' എന്ന പേരിൽ അഖിലേന്ത്യാ നാണയ-സ്റ്റാമ്പ് പ്രദർശനം ഒക്ടോബർ 17 (വ്യാഴാഴ്ച) മുതൽ 19 (ശനിയാഴ്ച) വരെ കണ്ണൂർ നായനാർ അക്കാദമി ഹാളിൽ നടക്കുമെന്ന് ക്ലബ്ബ് ഭാരവാഹികൾ വാർത്താസമ്മേളനത്തിൽ അറിയിച്ചു.

17 ന് രാവിലെ 10 മണിക്ക് കണ്ണൂർ കോർപറേഷൻ മേയർ മുസ്ലിഹ് മഠത്തിൽ പ്രദർശനം ഉദ്ഘാടനം ചെയ്യും. കണ്ണൂർ പ്രസ് ക്ലബ്ബ് പ്രസിഡൻ്റ് സി സുനിൽകുമാർ, സുവനീർ ബാലകൃഷ്ണൻ കൊയ്യാലിന് നൽകി പ്രകാശനം ചെയ്യും.

ഒക്ടോബർ 19 ന് നടക്കുന്ന സമാപന സമ്മേളനം വൈകിട്ട് നാല് മണിക്ക് കാനറ ബാങ്ക് ഡെപ്യൂട്ടി ജനറൽ മാനേജർ വി കെ ശ്രീകാന്ത് ഉദ്ഘാടനം ചെയ്യും. ശൗര്യ ചക്ര പി വി മനേഷ് മുഖ്യാതിഥിയാകും.

രാവിലെ ഒൻപത് മണി മുതൽ വൈകിട്ട് 6.30 വരെ നടക്കുന്ന പ്രദർശനത്തിൽ അൻപതോളം നാണയ-സ്റ്റാമ്പ് പ്രദർശകർ പങ്കെടുക്കുമെന്ന് സംഘാടകർ അറിയിച്ചു.

വാർത്താസമ്മേളനത്തിൽ ജില്ലാ പ്രസിഡൻ്റ് കെ വി മുകുന്ദൻ, രൂപ് ബാലറാം, എ കെ ശ്രീദിപ്, എം ജയദേവൻ, എം പി രിമിനേഷ് എന്നിവർ പങ്കെടുത്തു.

കണ്ണൂരിലെ ഈ സ്റ്റാമ്പ്-നാണയ പ്രദർശനവാർത്ത ഷെയർ ചെയ്യുക. നിങ്ങളുടെ സ്റ്റാമ്പ്/നാണയ ശേഖരം കമന്റ് ചെയ്യുക.

Article Summary: Kannur Philatelic Club organizes 'CANPEX 2025' All India Stamp and Coin Exhibition from October 17-19.

#Kannur #CANPEX2025 #StampExhibition #CoinExhibition #Philately #Numismatics