വീട്ടുകാർ കണ്ടത് നിഴൽ മാത്രം; സിസിടിവി ദൃശ്യങ്ങളിൽ കുറുനരി; നാട്ടുകാർ ആശങ്കയിൽ
 

കണ്ണൂർ: (KVARTHA) ജില്ലയിൽ കുറുനരിശല്യം അതിരൂക്ഷമായി തുടരുന്നു. കണ്ണൂർ - കാസർകോട് ജില്ലകളുടെ അതിർത്തി പ്രദേശമായ ചെറുപുഴ പ്രാപ്പൊയിൽ ടൗണിനു സമീപത്തെ ഒരു വീട്ടിൽ പട്ടാപ്പകൽ കുറുനരി കയറിയത് പ്രദേശത്ത് വലിയ പരിഭ്രാന്തി പരത്തി.

വ്യാഴാഴ്ച, രാവിലെ പതിനൊന്നരയോടെയാണ് സുനിലിന്റെ വീട്ടിനകത്ത് കുറുനരി പ്രവേശിച്ചത്. അകത്ത് നിന്ന് ശബ്ദം കേട്ട് സുനിലിന്റെ ഭാര്യ നോക്കിയപ്പോൾ ഒരു നിഴൽ പോലെയാണ് കണ്ടത്. 

തുടർന്ന് മകളെ വിളിച്ച് വീട്ടിലെ സിസിടിവി ദൃശ്യങ്ങൾ പരിശോധിച്ചപ്പോഴാണ് തുറന്നിട്ട മുൻവശത്തെ വാതിലിലൂടെ കുറുനരി കയറിയതാണെന്ന് മനസ്സിലായത്. കുറച്ചുസമയം വീട്ടിനകത്ത് കറങ്ങിയ കുറുനരി പിന്നീട് സ്വയമേവ ഇറങ്ങിപ്പോകുകയായിരുന്നു.

കണ്ണൂർ ജില്ലയിൽ കഴിഞ്ഞ ഒരു മാസത്തിനിടെ 24 പേർക്കാണ് കുറുനരിയുടെ കടിയേറ്റത്. കണ്ണാടിപ്പറമ്പ്, കാട്ടാമ്പള്ളി മേഖലകളിലാണ് കൂടുതൽ പേർക്ക് കടിയേറ്റത്. വീടുകളിലും മറ്റും കുറുനരിയുടെ സാന്നിധ്യം വർധിക്കുന്ന സാഹചര്യത്തിൽ നാട്ടുകാർ ആശങ്കയിലാണ്.

കണ്ണൂർ ജില്ലയിലെ കുറുനരി ശല്യത്തെക്കുറിച്ചുള്ള ഈ പ്രധാനപ്പെട്ട വാർത്തയെക്കുറിച്ച് നിങ്ങൾക്കെന്താണ് പറയാനുള്ളത്? 

Article Summary: Jackal enters a house in Kannur; 24 people bitten in the district in the last month.

#Kannur #JackalAttack #WildAnimalMenace #Cherupuzha #KeralaNews #WildlifeCrisis