ദേശീയ പാതയിലെ സുരക്ഷിത യാത്ര; ഹൈവേ സേഫ്റ്റി ടാസ്ക് ഫോഴ്സിൻ്റെ നേതൃത്വത്തിൽ കണ്ണൂരിൽ കലക്ടറുടെ പരിശോധന

കണ്ണൂർ: (KVARTHA) ദേശീയ പാതയിൽ അപകടരഹിതവും സുരക്ഷിതവുമായ യാത്ര ഉറപ്പാക്കുന്നതിൻ്റെ ഭാഗമായി രൂപീകരിച്ച ഹൈവേ സേഫ്റ്റി ടാസ്ക് ഫോഴ്സിൻ്റെ ഭാഗമായി കണ്ണൂരിൽ പരിശോധന നടന്നു. ജില്ലാ കലക്ടർ പി വിഷ്ണുരാജിൻ്റെ നേതൃത്വത്തിലാണ് ദേശീയ പാതയിൽ പരിശോധനകൾ സംഘടിപ്പിച്ചത്.

വളപട്ടണത്ത് ബസ്ബേ

വളപട്ടണം മേഖലയിലെ രൂക്ഷമായ ഗതാഗതക്കുരുക്ക് പരിഹരിക്കുന്നതിൻ്റെ ഭാഗമായി ഇവിടെ പുതിയൊരു ബസ്ബേ സ്ഥാപിക്കുന്നതിനുള്ള സാധ്യതയും ജില്ലാ കലക്ടറും സംഘവും പരിശോധിച്ചു. 

ദേശീയ പാതയിലെ അനധികൃത പാർക്കിങ്, അപകടസാധ്യതാ മേഖലകൾ, സൂചനാ ബോർഡുകൾ, റിഫ്ലക്ടറുകൾ, സ്പീഡ് ബ്രേക്കറുകൾ എന്നിവയുടെ അപര്യാപ്തത തുടങ്ങിയ കാര്യങ്ങളും സംഘം വിലയിരുത്തി. ഈ പ്രശ്നങ്ങൾ ഉടൻ പരിഹരിക്കുന്നതിന് ആവശ്യമായ കർശന നിർദേശങ്ങൾ ജില്ലാ കലക്ടർ ബന്ധപ്പെട്ട ഉദ്യോഗസ്ഥർക്ക് നൽകിയിട്ടുണ്ട്.

ധർമശാല മുതൽ മുഴപ്പിലങ്ങാട് വരെ

കണ്ണൂർ താലൂക്കിൽ ഉൾപ്പെടുന്ന ധർമശാല മുതൽ മുഴപ്പിലങ്ങാട് വരെയുള്ള ദേശീയ പാത ഭാഗങ്ങളിൽ തഹസിൽദാർ രത്നേഷിൻ്റെ നേതൃത്വത്തിലാണ് പരിശോധന നടന്നത്. ടാസ്ക് ഫോഴ്സ് അംഗങ്ങളായ ദേശീയ പാത അതോറിറ്റി, പൊതുമരാമത്ത്, എൽഎസ്ജിഡി ഉദ്യോഗസ്ഥരും സന്ദർശന വേളയിൽ സംഘത്തിനൊപ്പം ഉണ്ടായിരുന്നു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം     

Article Summary: Kannur Collector led a highway safety inspection in the district.

#Kvartha #KannurNews #DistrictCollector #HighwaySafety #TaskForce #Valapattanam #MalayalamNews #KeralaRoadSafety #KannurNH#AmmuNews