കേരളപ്പിറവി ദിനത്തിൽ കണ്ണൂർ സമ്പൂർണ്ണ ലൈബ്രറി ജില്ല
 

കണ്ണൂർ: (KVARTHA) കേരളപ്പിറവി ദിനമായ നവംബർ ഒന്നിന് കണ്ണൂർ ജില്ലയെ സമ്പൂർണ്ണ ലൈബ്രറി ജില്ലയായി പ്രഖ്യാപിക്കുമെന്ന് പീപ്പിൾസ് മിഷൻ കൺവീനർ ടി.കെ. ഗോവിന്ദൻ മാസ്റ്റർ വാർത്താസമ്മേളനത്തിൽ അറിയിച്ചു.

ഇതിനായുള്ള സംഘാടക സമിതി യോഗം സെപ്തംബർ 27-ന് വൈകുന്നേരം നാല് മണിക്ക് ജില്ലാ പഞ്ചായത്ത് ഹാളിൽ ചേരും. ഒക്ടോബർ ഒന്ന്, രണ്ട് തീയതികളിൽ വായനശാല വ്യാപന പ്രവർത്തനങ്ങളുടെ പ്രചരണാർത്ഥം ലോകപ്രശസ്ത പത്രപ്രവർത്തകൻ പി. സായ്നാഥ് ജില്ലയുടെ വിവിധ ഭാഗങ്ങളിൽ പരിപാടികളിൽ പങ്കെടുത്തു.

ഒക്ടോബർ ഒന്നിന് വൈകുന്നേരം അഞ്ച് മണിക്ക് മയ്യിലിൽ 'ബഹുജന സാംസ്കാരിക പ്രവർത്തനവും ജനകീയ മാധ്യമ സാധ്യതകളും' എന്ന വിഷയത്തിൽ അദ്ദേഹം പ്രഭാഷണം നടത്തും. 

ഒക്ടോബർ രണ്ടിന് രാവിലെ 9.30-ന് പേരാവൂർ ടൗണിൽ പേരാവൂർ പഞ്ചായത്തിൻ്റെ സമ്പൂർണ്ണ പ്രഖ്യാപനവും തുടർന്ന് പാട്യം, കീഴല്ലൂർ, അഴീക്കോട് പഞ്ചായത്തുകളുടെ സമ്പൂർണ്ണ പ്രഖ്യാപനവും സായ്നാഥ് നിർവ്വഹിക്കും.

ജില്ലയിലെ 81 പഞ്ചായത്തുകളിലും സമ്പൂർണ്ണ ലൈബ്രറിയായി നവംബർ ഒന്നിന് പ്രഖ്യാപിക്കും. ഡോ. വി. ശിവദാസൻ എംപിയുടെ നേതൃത്വത്തിൽ തദ്ദേശ സ്വയംഭരണ സ്ഥാപനങ്ങളുടേയും ജില്ലാ ലൈബ്രറി കൗൺസിലിൻ്റേയും സജീവ പങ്കാളിത്തത്തോടെ സാമൂഹ്യ-സാംസ്കാരിക സംഘടനകളേയും കണ്ണി ചേർത്ത് കൊണ്ടാണ് ഈ മഹാസംരംഭം മുന്നോട്ട് പോകുന്നതെന്ന് ഗോവിന്ദൻ മാസ്റ്റർ പറഞ്ഞു.

വാർത്താസമ്മേളനത്തിൽ ജില്ലാ ലൈബ്രറി കൗൺസിൽ സെക്രട്ടറി പി.കെ. വിജയൻ, പ്രസിഡൻ്റ് മുകുന്ദൻ മഠത്തിൽ, കണ്ണൂർ താലൂക്ക് സെക്രട്ടറി കെ.ടി. ശശി എന്നിവരും പങ്കെടുത്തു.

ഈ മഹത്തായ പദ്ധതിയെക്കുറിച്ച് നിങ്ങളുടെ അഭിപ്രായം കമന്റ് ചെയ്യുക, നിങ്ങളുടെ സുഹൃത്തുക്കൾക്കും ഇത് ഷെയർ ചെയ്യൂ.

Article Summary: Kannur to be Kerala's first complete library district.

#Kannur #LibraryDistrict #KeralaPiravi #KeralaNews #Reading #Library