ജെസിബി ഉടമകൾ നിരക്ക് വർധന പ്രഖ്യാപിച്ചു; കണ്ണൂരിൽ റാലി നടത്തി

കണ്ണൂർ: (KVARTHA) പുതിയ നിരക്ക് വർധന പ്രഖ്യാപിച്ച് സിഇഒഎ കണ്ണൂർ ടൗൺ മേഖല കമ്മിറ്റിയുടെ ആഭിമുഖ്യത്തിൽ ജെസിബി ഉടമകൾ റാലി സംഘടിപ്പിച്ചു. 2025 ഒക്ടോബർ ഒന്നു മുതൽ മണ്ണുമാന്തി യന്ത്രങ്ങളുടെ വാടക വർധിപ്പിക്കാൻ തീരുമാനിച്ചതിന്റെ ഭാഗമായാണ് റാലി നടന്നത്.

മുൻകൂട്ടി തീരുമാനിച്ചതുപോലെ മുണ്ടയാട് ഇൻഡോർ സ്റ്റേഡിയത്തിനു മുന്നിൽനിന്ന് ആരംഭിച്ച റാലിയിൽ നിരവധി ജെസിബി ഉടമകളും തൊഴിലാളികളും പങ്കെടുത്തു. സിഇഒഎ ജില്ലാ വൈസ് പ്രസിഡന്റ് മനോഹരൻ തറമ്മൽ റാലി ഫ്ലാഗ് ഓഫ് ചെയ്തു. നഗരം ചുറ്റി നീങ്ങിയ റാലി മേലെ ചൊവ്വയിലാണ് സമാപിച്ചത്. റാലിയുടെ ഭാഗമായി ടിപ്പർ ഉടമകളും തങ്ങളുടെ വാഹനങ്ങളുമായി പങ്കെടുത്തു.

തുടർന്ന്, മേലെ ചൊവ്വയിൽ നടന്ന പൊതുസമ്മേളനത്തിൽ നിരക്ക് വർധനവിന്റെ ആവശ്യകതയും അതിന്റെ പ്രാധാന്യവും നേതാക്കൾ വിശദീകരിച്ചു. മനോഹരൻ തറമ്മൽ, ഡി.സി. രൂപേഷ്, കെ.കെ. മമ്മു, സജാസ് എന്നിവർ യോഗത്തിൽ സംസാരിച്ചു. മേഖലാ സെക്രട്ടറി ഏച്ചൂർ ഷാജി സ്വാഗതം പറഞ്ഞു. ഇന്ധന വില വർധന ഉൾപ്പെടെയുള്ള വിഷയങ്ങൾ കാരണം നിലവിലുള്ള നിരക്കിൽ ജോലി ചെയ്യുന്നത് നഷ്ടമാണെന്നും അതിനാലാണ് നിരക്ക് വർധിപ്പിക്കാൻ തീരുമാനിച്ചതെന്നും നേതാക്കൾ അറിയിച്ചു. പുതിയ നിരക്കുകൾ ഒക്ടോബർ ഒന്ന് മുതൽ പ്രാബല്യത്തിൽ വരുമെന്ന് യോഗത്തിൽ പ്രഖ്യാപിച്ചു.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കൂ.

Article Summary: JCB owners in Kannur announce a price hike and organize a rally to raise awareness about the rising costs of operation.

#JCB #Kannur #PriceHike #Kerala #Protest #Rally