മേഘാലയ ചീഫ് സെക്രട്ടറിയായി കണ്ണൂർ സ്വദേശി ഡോ. ഷക്കീൽ അഹമ്മദ് ഐഎഎസ് ചുമതലയേൽക്കും

കണ്ണൂർ: (KVARTHA) മേഘാലയ ചീഫ് സെക്രട്ടറിയായി കണ്ണൂർ സിറ്റി സ്വദേശിയായ ഡോ. ഷക്കീൽ അഹമ്മദ് ഐഎഎസ് ഈ മാസം 30-ന് ചുമതലയേൽക്കും. നിലവിലെ ചീഫ് സെക്രട്ടറി ഡൊണാൾഡ് ഫിലിപ്പ് ഈ മാസം സ്ഥാനമൊഴിയുന്ന ഒഴിവിലാണ് ഷക്കീൽ അഹമ്മദിന് നിയമനം ലഭിച്ചത്.

നിലവിൽ ആഭ്യന്തര വകുപ്പിന്റെ ചുമതലയുള്ള അഡീഷനൽ ചീഫ് സെക്രട്ടറിയാണ് അദ്ദേഹം. ഇതിനുപുറമെ ജലവിഭവ വകുപ്പിന്റെയും സിആർഎസിന്റെയും അധിക ചുമതലകളും റവന്യൂ ബോർഡ് സെക്രട്ടറിയുടെ ചുമതലയും വഹിക്കുന്നുണ്ട്.

അസം-മേഘാലയ കേഡറിലെ ഐഎഎസ് ഉദ്യോഗസ്ഥനായ ഡോ. ഷക്കീൽ അഹമ്മദ് കേന്ദ്ര സർക്കാരിലെ വിവിധ വകുപ്പുകളിൽ മേധാവിയായും പ്രധാനമന്ത്രിയുടെ ഓഫീസ് ഡയറക്ടറായും മോസ്കോയിലെ ഇന്ത്യൻ എംബസി ഡയറക്ടറായും സേവനമനുഷ്ഠിച്ചിട്ടുണ്ട്. 

മലയാളം മീഡിയം സ്കൂളിൽ നിന്ന് പ്രാഥമിക വിദ്യാഭ്യാസം പൂർത്തിയാക്കിയ അദ്ദേഹം, കണ്ണൂരിൽ നിന്ന് മറ്റൊരു സംസ്ഥാനത്ത് ചീഫ് സെക്രട്ടറിയാകുന്ന ആദ്യ വ്യക്തി കൂടിയാണ്.

ഈ വാർത്തയെക്കുറിച്ച് നിങ്ങളുടെ അഭിപ്രായം പങ്കുവെയ്ക്കൂ, നിങ്ങളുടെ സുഹൃത്തുക്കളുമായി ഇത് ഷെയർ ചെയ്യൂ.

Article Summary: Dr. Shakeel Ahmed from Kannur becomes Meghalaya Chief Secretary.

#Meghalaya #ChiefSecretary #ShakeelAhmed #Kerala #Kannur #IAS