കണ്ണൂർ: (KVARTHA) ഉത്തര മലബാറിലെ പാർക്കിൻസൺസ് രോഗികൾക്കും മറ്റ് ചലന വൈകല്യങ്ങൾ ഉള്ളവർക്കും അത്യാധുനിക ചികിത്സയും പരിചരണവും ലഭ്യമാക്കുന്ന പ്രത്യേക പാർക്കിൻസൺസ് ആൻഡ് മൂവ്‌മെൻ്റ് ഡിസോർഡേഴ്സ് സെന്റർ കണ്ണൂർ ബേബി മെമ്മോറിയൽ ഹോസ്പിറ്റലിൽ പ്രവർത്തനം ആരംഭിച്ചു. ബേബി മെമ്മോറിയൽ ഹോസ്പിറ്റൽ ക്ലസ്റ്റർ സിഇഒ നിരുപ് മുണ്ടയാടനാണ് കേന്ദ്രത്തിൻ്റെ ഉദ്ഘാടനം നിർവ്വഹിച്ചത്. ഉത്തര മലബാറിലെ ആദ്യത്തെ സമഗ്ര ചലന വൈകല്യ ചികിത്സാ കേന്ദ്രമാണിതെന്ന് ആശുപത്രി അധികൃതർ പറഞ്ഞു.

ഈ അത്യാധുനിക കേന്ദ്രത്തിൽ പ്രത്യേക ഒ.പി ഏരിയ, പാർക്കിൻസൺസ്, ജനിറ്റിക്കൽ ഡിസ്റ്റോണിയ തുടങ്ങിയ രോഗികളുടെ ആവശ്യങ്ങൾക്കനുസൃതമായുള്ള പ്രത്യേക തീവ്രപരിചരണ വിഭാഗം (ഐ.സി.യു) റൂമുകൾ എന്നിവ സജ്ജീകരിച്ചിരിക്കുന്നു. കൂടാതെ, പാർക്കിൻസൺസ് രോഗത്തിനും ജനിറ്റിക്കൽ ഡിസ്‌ടോണിയക്കും ഡി.ബി.എസ് (ഡീപ് ബ്രെയിൻ സ്റ്റിമുലേഷൻ) പോലുള്ള ഏറ്റവും നൂതനമായ ചികിത്സാരീതികളും ഇവിടെ ലഭ്യമാകും.

രോഗികൾക്ക് ഒരിടത്ത് വെച്ച് തന്നെ ന്യൂറോളജിസ്റ്റുകൾ, ന്യൂറോ ഫിസിയോതെറാപ്പിസ്റ്റുകൾ, സൈക്കോളജിസ്റ്റുകൾ, ഡയറ്റീഷ്യൻമാർ എന്നിവരുടെ സേവനം ലഭ്യമാക്കുന്ന പ്രത്യേക ഔട്ട്‌പേഷ്യൻ്റ് ഏരിയ ഈ സെന്ററിൻ്റെ പ്രധാന പ്രത്യേകതയാണ്. ഇത് രോഗികൾക്ക് വിവിധ കൺസൾട്ടേഷനുകൾക്കായി കാത്തിരിക്കുന്നതിൻ്റെ ബുദ്ധിമുട്ട് ഒഴിവാക്കുകയും ചികിത്സ എളുപ്പമാക്കുകയും ചെയ്യും. പ്രത്യേകമായി തയ്യാറാക്കിയ ഐസിയു കിടക്കകളും രോഗികളുടെ മുറികളും സെന്ററിൻ്റെ മറ്റ് പ്രധാന സവിശേഷതകളാണെന്നും സിഇഒ നിരുപ് മുണ്ടയാടൻ പറഞ്ഞു.

ബേബി മെമ്മോറിയൽ ഹോസ്പിറ്റൽ ക്ലസ്റ്റർ സിഇഒ ശ്രീ. നിരുപ് മുണ്ടയാടൻ, ഹോസ്പിറ്റൽ മെഡിക്കൽ അഡ്വൈസർ ഡോ. മുഹമ്മദ് അബ്ദുൾ നാസർ ഇ.കെ, എജിഎം മനോജ് ജി.എം, ന്യൂറോളജി വിഭാഗം ചീഫ് ഡോ. എൻ മോഹനൻ, സീനിയർ കൺസൾട്ടൻ്റ് ആൻഡ് മൂവ്‌മെൻ്റ് ഡിസോർഡേഴ്സ് സ്പെഷ്യലിസ്റ്റ് ഡോ. സുജിത്ത് ഓവലത്ത്, ന്യൂറോ സർജറി സീനിയർ കൺസൾട്ടൻ്റ് ഡോ. സുഹാസ് കെ.ടി, ന്യൂറോളജി കൺസൾട്ടൻ്റ് ഡോ. ജിസ മെറിൻ ജോയ് എൻ, ഡെപ്യൂട്ടി ചീഫ് നഴ്സിംഗ് ഓഫീസർ മഞ്ജു ജോസഫ്, ബിസിനസ് ഓപ്പറേഷൻസ് & സ്ട്രാറ്റജി വിഭാഗം സീനിയർ മാനേജർ ജഗതി ജ്യോതിഷ് സി.വി, സീനിയർ ഓപ്പറേഷൻസ് മാനേജർ ബി.ആർ.പി ഉണ്ണിത്താൻ എന്നിവർ ഉദ്ഘാടന ചടങ്ങിൽ പങ്കെടുത്തു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

A state-of-the-art Parkinson’s & Movement Disorders Center has been inaugurated at Kannur Baby Memorial Hospital, first in North Malabar.

#KannurNews #ParkinsonsCare #MovementDisorders #KeralaHospitals #DBSTreatment #HealthcareUpdates