കണ്ണൂർ: (KVARTHA) കണ്ണൂർ-മട്ടന്നൂർ സംസ്ഥാന പാതയിൽ എളയാവൂർ പഞ്ചായത്ത് ഓഫീസിന് സമീപം ബൈക്കും ബസ്സും കൂട്ടിയിടിച്ച് ഗുരുതരമായി പരിക്കേറ്റ കായികതാരവും വിദ്യാർത്ഥിയുമായ ശങ്കർ മനോജ് (19) മരണപ്പെട്ടു. 

ധർമ്മടം ബ്രണ്ണൻ കോളേജിലെ ഒന്നാം വർഷ ബിരുദ വിദ്യാർത്ഥിയായ ശങ്കർ, ഇടുക്കി ഉടുമ്പൻചോല സ്വദേശിയാണ്. കണ്ണൂരിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് അന്ത്യം സംഭവിച്ചത്.

കണ്ണൂരിൽ നിന്ന് ഇരിട്ടിയിലേക്ക് പോവുകയായിരുന്ന നിവേദ്യം ബസ്സാണ് എതിരെ വരികയായിരുന്ന ബൈക്കിൽ ഇടിച്ചത്. ശങ്കർ മുണ്ടയാട് സ്പോർട്സ് ഹോസ്റ്റലിൽ ഫെൻസിംഗ് പരിശീലനം നടത്തിവരികയായിരുന്നു. 

അപകടത്തിൽ ഒപ്പമുണ്ടായിരുന്ന എസ് എൻ കോളേജ് വിദ്യാർത്ഥിയും പാലക്കാട് സ്വദേശിയുമായ മനീഷിനും പരിക്കേറ്റു. മനീഷ് എകെജി ആശുപത്രിയിൽ ചികിത്സയിലാണ്.

പോസ്റ്റ്മോർട്ടത്തിന് ശേഷം ശങ്കർ മനോജിന്റെ മൃതദേഹം വൈകുന്നേരം മുണ്ടയാട് സ്പോർട്സ് ഹോസ്റ്റലിൽ പൊതുദർശനത്തിന് വെച്ച ശേഷം ജന്മനാടായ ഇടുക്കിയിലേക്ക് കൊണ്ടുപോയി.

ഈ ദാരുണ സംഭവത്തെക്കുറിച്ച് നിങ്ങളുടെ അഭിപ്രായം രേഖപ്പെടുത്തുക.

 Summary: A 19-year-old student and athlete, Shankar Manoj, succumbed to injuries sustained in a bus-bike collision in Kannur. Another student was injured in the accident.

 #RoadAccident, #Kannur, #StudentDeath, #BusAccident, #BikeAccident, #Kerala