അയോധ്യ രാമക്ഷേത്ര പൂജാരി തളിപ്പറമ്പ് രാജരാജേശ്വര ക്ഷേത്രത്തിൽ ദർശനം നടത്തി

തളിപ്പറമ്പ്: (KVARTHA) അയോധ്യ രാമജന്മഭൂമി ക്ഷേത്രത്തിലെ മുഖ്യ പൂജാരിമാരിൽ ഒരാളായ സന്തോഷ് തിവാരി മഹന്ത് പണ്ഡിറ്റ് തളിപ്പറമ്പ് രാജരാജേശ്വര ക്ഷേത്രത്തിൽ ദർശനം നടത്തി. സഹ പൂജാരിമാർക്കൊപ്പമെത്തിയ അദ്ദേഹം ശ്രീരുദ്രം ചൊല്ലി രാജരാജേശ്വരനെ വണങ്ങിയാണ് മടങ്ങിയത്.

രാമമണ്ഡപത്തിൽ പ്രത്യേക പ്രാർഥന

ശ്രീരാമചന്ദ്രൻ നമസ്കരിച്ചതായി വിശ്വസിക്കപ്പെടുന്ന ക്ഷേത്രത്തിലെ മണ്ഡപത്തിന് മുന്നിൽ അദ്ദേഹം പ്രത്യേക പ്രാർഥന നടത്തി. കേരളീയ ക്ഷേത്രങ്ങളും കേരളത്തിലെ ഭൂപ്രകൃതിയും മറ്റു പ്രദേശങ്ങളിൽ നിന്ന് തികച്ചും വിഭിന്നമാണെന്നും ആരാധനാരീതികൾ വ്യത്യസ്തമാണെന്നും അദ്ദേഹം അഭിപ്രായപ്പെട്ടു. രാജരാജേശ്വര ദർശനത്തിൽ പൂർണ്ണ സംതൃപ്തനാണെന്നും അദ്ദേഹം കൂട്ടിച്ചേർത്തു.

ക്ഷേത്രസമുച്ചയത്തിലെ തൊള്ളായിരത്തിലധികം വർഷം പഴക്കമുള്ള വൃക്ഷമുത്തശ്ശിയെയും അദ്ദേഹം പ്രത്യേകം വന്ദിച്ചു. കേരളത്തിലെ മറ്റു ക്ഷേത്രങ്ങളും സന്ദർശിക്കാൻ ആഗ്രഹമുണ്ടെന്ന് അദ്ദേഹം അറിയിച്ചു.

സ്വീകരണം നൽകി

ടി.ടി.കെ. ദേവസ്വം പ്രസിഡന്റ് ടി.പി. വിനോദ് കുമാർ, എക്സിക്യൂട്ടീവ് ഓഫീസർ കെ.പി. വിനയൻ, ക്ഷേത്ര ജീവനക്കാർ എന്നിവർ ചേർന്ന് സന്തോഷ് തിവാരി മഹന്ത് പണ്ഡിറ്റിനെ ക്ഷേത്രത്തിലേക്ക് സ്വീകരിച്ചു.

പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: Ayodhya Rama Janmabhoomi priest Santosh Tiwari Mahant Pandit visited Taliparamba Rajarajeshwara Temple and expressed satisfaction.

#Taliparamba #RajarajeshwaraTemple #AyodhyaPriest #SantoshTiwari #TempleVisit #KannurNews #KVARTHA