രണ്ടായിരം ആർത്രോസ്കോപ്പി വിജയകരം; കായികതാരങ്ങൾക്ക് ആത്മവിശ്വാസമേകി ആസ്റ്റർ മിംസ് കണ്ണൂർ

കണ്ണൂർ: (KVARTHA) ആസ്റ്റർ മിംസിൽ വളരെ ചുരുങ്ങിയ കാലയളവിനുള്ളിൽ രണ്ടായിരം ആർത്രോസ്കോപ്പി സർജറികൾ വിജയകരമായി പൂർത്തീകരിച്ചു. സന്ധികളിലുണ്ടാകുന്ന പരിക്കുകൾ ഉൾപ്പെടെയുള്ള രോഗാവസ്ഥകൾക്കുള്ള നൂതനമായ സൂക്ഷ്മദ്വാര ചികിത്സാ രീതിയാണ് ആർത്രോസ്കോപ്പി. 

സൂക്ഷ്മദ്വാര ചികിത്സാ രീതി

കായികസംബന്ധമായ പരിക്കുകൾ, പൊട്ടിയ ലിഗ്മെന്റുകൾ പുനർനിർമ്മിക്കൽ, പരിക്കുപറ്റിയ സന്ധികളിലെ മറ്റ് ഘടനകൾ യോജിപ്പിക്കൽ, സന്ധികളിൽ നിന്ന് ബയോപ്സി എടുക്കൽ, ട്യൂമറുകൾ നീക്കം ചെയ്യൽ, തരുണാസ്ഥികളിലെ തേയ്മാനം പരിഹരിക്കൽ എന്നിവ ഉൾപ്പെടെയുള്ള അനേകം കേസുകളാണ് ഇതിനോടകം തന്നെ ആർത്രോസ്കോപ്പിയിലൂടെ വിജയകരമായി പൂർത്തീകരിച്ചത്. നിരവധി കായികതാരങ്ങൾക്ക് അവരുടെ കരിയറിലേക്ക് ശക്തമായി തിരിച്ചുവരാൻ ഈ ചികിത്സാ രീതി സഹായകമായിട്ടുണ്ട്.

വിദഗ്ധരുടെ നേതൃത്വം

കണ്ണൂർ ആസ്റ്റർ മിംസിലെ ഓർത്തോപേഡിക്, ജോയിന്റ് റീപ്ലേസ്മെന്റ് ആൻഡ് സ്പോർട്സ് ഇഞ്ചുറി വിഭാഗം മേധാവി ഡോ ശ്രീഹരി സി കെയുടെ നേതൃത്വത്തിലാണ് ഈ വിഭാഗം പ്രവർത്തിക്കുന്നത്. ചുരുങ്ങിയ കാലയളവിനുള്ളിൽ രണ്ടായിരം പ്രൊസീജ്യറുകൾ പൂർത്തീകരിച്ചതിന്റെ ആഘോഷവും കണ്ണൂർ ആസ്റ്റർ മിംസിൽ വളരെ വിപുലമായി തന്നെ നടന്നു.

അതിഥിയായി നൗഷാദ്

ആർത്രോസ്കോപ്പിയിലൂടെ പരിക്കുകൾ ഭേദമാവുകയും ഭാരോദ്വഹന മത്സരത്തിൽ ജില്ല, സംസ്ഥാന, ദേശീയ തലത്തിൽ പങ്കെടുത്ത് ജേതാവാകുകയും ചെയ്ത നൗഷാദ് അസു മുണ്ടാണിക്കോട് ഈ ചടങ്ങിൽ വിശിഷ്ടാതിഥിയായി പങ്കെടുത്തു. 

ആസ്റ്റർ മിംസ് സി ഒ ഒ ഡോ അനൂപ് നമ്പ്യാർ, സി എം എസ് ഡോ സുപ്രിയ രഞ്ജിത്ത്, ഡോ ശ്രീഹരി, ഡോ മുഹമ്മദ് ഹർഷാദ്, ഡോ നിഷാന്ത് കുമാർ, ഡോ സന്ദീപ് കെ എം, ഡോ അനുപം എസ്, ഡോ അമർനാഥ് എന്നിവർ ചടങ്ങിൽ സംസാരിച്ചു.

പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: Aster MIMS Kannur celebrates the completion of 2,000 successful arthroscopy surgeries, providing a major boost to athletes.

#AsterMIMS #KannurNews #Arthroscopy #SportsInjury #Orthopedics #HealthUpdate #SuccessStory #KVARTHA